ഗോപീ സുന്ദറുമായി 14 വര്‍ഷം ഒന്നിച്ചു ജീവിച്ചു; വേര്‍പിരിയലിന്റെ കാരണം പറഞ്ഞ് അഭയ ഹിരണ്‍മയി

അഭയഹിരണ്‍മയിയും ഗോപി സുന്ദറും തമ്മിലുള്ള ബന്ധം എന്നും സോഷ്യല്‍ മീഡിയയില്‍ വലിയ ചര്‍ച്ചയാകാറുണ്ട്.

പൊതുവേദികളില്‍ അടക്കം രണ്ടുപേരും ഒരുമിച്ച് പ്രത്യക്ഷപ്പെടാറുണ്ട്. എന്നാല്‍ വളരെ പെട്ടെന്നാണ് ഗോപി സുന്ദര്‍ അമൃത സുരേഷിനെ വിവാഹം ചെയ്തത്.

ഇപ്പോള്‍ തങ്ങള്‍ വേര്‍പിരിയാന്‍ ഉണ്ടായ കാരണം വ്യക്തമാക്കിയിരിക്കുകയാണ് അഭയ. നമ്മളൊക്കെ വളര്‍ന്നുകൊണ്ടിരിക്കുകയല്ലേ. അദ്ദേഹം ആണെങ്കിലും ഞാന്‍ ആണെങ്കിലും പുറത്തേക്കൊക്കെ പോവുന്നതല്ലേ. അങ്ങനെ വന്ന സമയത്ത് മാറ്റങ്ങള്‍ ഉള്‍ക്കൊള്ളാന്‍ പറ്റിയിട്ടുണ്ടാവില്ല. അതാവണം ബന്ധം പിരിയാന്‍ കാരണം എന്നാണ് അഭയ വ്യക്തമാകിയിരിക്കുന്നത്.

ഒരു പരിപാടിയുടെ അവതാരകയായിരുന്ന സമയത്ത് ഗോപി സുന്ദറിനെ ഇന്റര്‍വ്യൂ ചെയ്തിരുന്നു. അങ്ങനെയാണ് അദ്ദേഹത്തെ പരിചയപ്പെട്ടത്. പിന്നീടാണ് ഒരുമിച്ച് ജീവിതം ആരംഭിച്ചത്. പതിനാല് വര്‍ഷത്തെ ബന്ധം തങ്ങള്‍ തമ്മില്‍ ഉണ്ടെന്നും അഭയ പറയുന്നു.