‘ഞാനിതാ കുവൈറ്റിലേക്ക് വരുന്നു’; വിമാനയാത്രയുടെ ചിത്രങ്ങളുമായി നവ്യ

വിമാന യാത്രയുടെ ചിത്രങ്ങളുമായി നടി നവ്യ നായര്‍. കുവൈറ്റിലേക്കാണ് താരത്തിന്റെ യാത്ര. ‘കുവൈറ്റ്..ഞാന്‍ വരുന്നു’ എന്ന ക്യാപ്ഷനോടെയാണ് താരം ചിത്രങ്ങള്‍ പങ്കുവെച്ചത്. സ്റ്റേജ് ഷോയ്ക്ക് വേണ്ടിയാണ് താരം കുവൈറ്റിലേക്ക് പോകുന്നതെന്നാണ് വിവരം.

നന്ദനത്തിലെ ബാലാമണി എന്ന കഥാപാത്രത്തെ മലയാളികള്‍ക്ക് അത്ര പെട്ടെന്ന് മറക്കാന്‍ സാധിക്കില്ല. കാരണം അത്ര മനോഹരമായ അഭിനയമായിരുന്നു നവ്യാ നായര്‍ ചിത്രത്തില്‍ കാഴ്ച വെച്ചത്. അത് മാത്രമല്ല ഓര്‍ത്തുവയ്ക്കാന്‍ വേറെയും വേറിട്ട് നില്‍ക്കുന്ന നവ്യയുടെ ഒരുപാട് കഥാപാത്രങ്ങള്‍ വേറെയുമുണ്ട്.

ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയിലേക്ക് എത്തിയത്. പിന്നീട് ഒരു പിടി നല്ല കഥാപാത്രങ്ങളാണ് താരത്തെ തേടിയെത്തിയത്. കല്യാണത്തിനു ശേഷം അഭിനയത്തില്‍ നിന്നും വിട്ടുനിന്നെങ്കിലും ഇപ്പോള്‍ താരം തിരിച്ചെത്തിയിരിക്കുകയാണ്.