Mammootty and B.Unnikrishnan
ബുദ്ധികൂര്‍മ്മതയും ജാഗ്രതയുമുള്ള സ്റ്റൈലിഷ് പൊലീസ് ഓഫീസറായി മമ്മൂട്ടിയെത്തുന്നു. ബി.ഉണ്ണികൃഷ്ണന്‍ സംവിധാനം ചെയ്യുന്ന പുതിയ ചിത്രത്തിന്റെ പേരും ഫസ്റ്റ് ലുക്ക് പോസ്റ്ററും പുറത്തിറക്കി. ക്രിസ്റ്റഫര്‍ എന്നാണ് ചിത്രത്തിന്റെ പേര്. മമ്മൂട്ടി തോക്ക് പിടിച്ചു നില്‍ക്കുന്നതാണ് ഫസ്റ്റ് ലുക്ക് പോസ്റ്ററില്‍ കാണിച്ചിരിക്കുന്നത്. എന്നാല്‍ മെഗാസ്റ്റാറിന്റെ മുഖം പോസ്റ്ററില്‍ ഇല്ല.
റിലീസിന് മുന്‍പ് തന്നെ കോടികള്‍ സ്വന്തമാക്കാന്‍ സാധ്യതയുള്ള മമ്മൂട്ടി ചിത്രമാണ് ഇത്. ഒ.ടി.ടി. റൈറ്റ്, സാറ്റലൈറ്റ് റൈറ്റ് എന്നിവയ്ക്കായി വന്‍കിട ഗ്രൂപ്പുകള്‍ മുന്‍പന്തിയിലുണ്ടെന്നാണ് പുറത്തുവരുന്ന റിപ്പോര്‍ട്ടുകള്‍. അങ്ങനെയെങ്കില്‍ റിലീസിന് മുന്‍പ് തന്നെ കോടികളുടെ ബിസിനസാണ് ക്രിസ്റ്റഫറിന് നടക്കാന്‍ പോകുന്നത്.
ആര്‍.ഡി.ഇലുമിനേഷന്‍സിന്റെ ബാനറില്‍ ബി.ഉണ്ണികൃഷ്ണന്‍ നിര്‍മിക്കുന്ന ചിത്രത്തിന്റെ തിരക്കഥ ഉദയകൃഷ്ണയാണ്. യഥാര്‍ഥ സംഭവത്തെ ആസ്പദമാക്കിയുള്ള ഇന്‍വസ്റ്റിഗേഷന്‍ ത്രില്ലറാണ് ചിത്രമെന്ന് നേരത്തെ റിപ്പോര്‍ട്ടുകളുണ്ടായിരുന്നു. പൊലീസ് ഉദ്യോഗസ്ഥന്റെ വേഷത്തിലാണ് ചിത്രത്തില്‍ മമ്മൂട്ടിയെത്തുക.
സ്നേഹ, അമല പോള്‍, ഐശ്വര്യ ലക്ഷ്മി എന്നിവരാണ് ചിത്രത്തിലെ നായികമാര്‍. ക്രിസ്മസിന് ചിത്രം തിയറ്ററുകളിലെത്തിക്കാനാണ് അണിയറപ്രവര്‍ത്തകര്‍ ആലോചിക്കുന്നത്. മോഹന്‍ലാല്‍ ചിത്രം ആറാട്ടാണ് ബി.ഉണ്ണികൃഷ്ണന്റെ അവസാനം റിലീസ് ചെയ്ത ചിത്രം. ആറാട്ട് തിയറ്ററുകളില്‍ പരാജയമായിരുന്നു
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് ഋതുമന്ത്ര. ഇന്‍സ്റ്റഗ്രാമിലാണ്…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് മാളവിക മോഹനന്‍.…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് ഹന്‍സിക കൃഷ്ണ.ഇന്‍സ്റ്റഗ്രാമിലാണ്…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് രമ്യ നമ്പീശന്‍.…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് കീര്‍ത്തി സുരേഷ്.…
പ്രിയതാരം ജയറാമിന്റെയും പാര്‍വതിയുടെയും മകളാണ് മാളവിക. കുടുംബത്തോടൊപ്പമുള്ള…