Sita Ramam
ആരാധകര്‍ ഏറെ പ്രതീക്ഷയോടെ കാത്തിരുന്ന ദുല്‍ഖര്‍ സല്‍മാന്‍ ചിത്രം സീതാരാമം തിയറ്ററുകളിലെത്തി. മൃണാല്‍ താക്കൂര്‍, രശ്മിക മന്ദാന എന്നിവരാണ് നായിക കഥാപാത്രങ്ങളെ അവതരിപ്പിച്ചിരിക്കുന്നത്. ആര്‍മി ഓഫീസറായ രാമം എന്ന കഥാപാത്രത്തെയാണ് ദുല്‍ഖര്‍ ചിത്രത്തില്‍ അവതരിപ്പിച്ചിരിക്കുന്നത്. സീതാ മഹാലക്ഷ്മിയായി മൃണാലും വേഷമിട്ടിരിക്കുന്നു.
ശക്തമായ ഒരു പ്രണയകഥയാണ് സിനിമ കൈകാര്യം ചെയ്തിരിക്കുന്നത്. റാമും സീതയും തമ്മിലുള്ള ആത്മബന്ധത്തെ ഒരു കവിത പോലെയാണ് ചിത്രീകരിച്ചിരിക്കുന്നതെന്ന് പ്രേക്ഷകര്‍ അഭിപ്രായപ്പെടുന്നു. ഇരുവരുടെയും പ്രണയത്തെ നിറകയ്യടികളോടെയാണ് പ്രേക്ഷകര്‍ സ്വീകരിച്ചത്. പ്രണയം, യുദ്ധം, സൗഹൃദം എന്നിവയെല്ലാം വളരെ ഗംഭീരമായാണ് ചിത്രത്തില്‍ ആവിഷ്‌കരിച്ചിരിക്കുന്നത്. പലപ്പോഴും സിനിമ പ്രേക്ഷകരില്‍ ഒരു നോവാകുന്നു. നിര്‍ബന്ധമായും തിയറ്ററുകളില്‍ തന്നെ കാണേണ്ട ചിത്രമാണ് സീതാരാമം.
ഹനു രാഘവപുടിയാണ് സീതാരാമം സംവിധാനം ചെയ്തിരിക്കുന്നത്. ദുല്‍ഖറിന്റെ രണ്ടാമത്തെ തെലുങ്ക് ചിത്രമാണിത്. റിലീസിന് മുന്‍പ് തന്നെ 20 കോടിയോളം സ്വന്തമാക്കിയ ചിത്രം തെലുങ്ക് കൂടാതെ തമിഴ്, മലയാളം ഭാഷകളിലും റിലീസ് ചെയ്തിട്ടുണ്ട്.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…