‘നെഗറ്റിവിറ്റി തോന്നുമ്പോള്‍ അവിടെ നിന്ന് മാറി പോകുക’; കിടിലന്‍ ചിത്രങ്ങളുമായി കനിഹ

വ്യത്യസ്തമായ വേഷങ്ങളിലൂടെ മലയാളികള്‍ക്ക് ഏറെ പ്രിയപ്പെട്ട നടിയാണ് കനിഹ. സോഷ്യല്‍ മീഡിയയില്‍ താരം സജീവമാണ്. സാരിയില്‍ സുന്ദരിയായുള്ള പുതിയ ചിത്രങ്ങളാണ് കനിഹ പങ്കുവെച്ചിരിക്കുന്നത്.

‘എന്തെങ്കിലും നെഗറ്റിവിറ്റി നേരിടുമ്പോള്‍ അവിടെ നിന്ന് മാറി പോകുക ! നിങ്ങളുടെ സന്തോഷമാണ് ഏറെ പ്രധാനപ്പെട്ടത്’ എന്ന അടിക്കുറിപ്പോടെയാണ് കനിഹ പുതിയ ചിത്രങ്ങള്‍ പങ്കുവെച്ചിരിക്കുന്നത്.

സൂപ്പര്‍താരങ്ങളായ മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങിയവരുടെയെല്ലാം നായികയായി അഭിനയിക്കാന്‍ കനിഹയ്ക്ക് ഭാഗ്യം ലഭിച്ചിട്ടുണ്ട്. ദിലീപിനൊപ്പവും കനിഹ അഭിനയിച്ചിട്ടുണ്ട്.

മലയാളികളുടെ പ്രിയതാരമാണ് കനിഹ. പ്രായം 40 ആയെങ്കിലും ബോഡി ഫിറ്റ്‌നെസിന് ഇപ്പോഴും വളരെ ശ്രദ്ധ ചെലുത്തുന്ന താരങ്ങളില്‍ ഒരാളാണ് കനിഹ.

1982 ജൂലൈ മൂന്നിനാണ് കനിഹയുടെ ജനനം. പ്രായം നാല്‍പ്പതായെങ്കിലും ലുക്കില്‍ ഇന്നും ആരാധകരെ ഞെട്ടിക്കുന്ന താരം കൂടിയാണ് കനിഹ. സോഷ്യല്‍ മീഡിയയില്‍ വളരെ സജീവ സാന്നിധ്യമാണ് കനിഹ. താരം പങ്കുവയ്ക്കുന്ന ചിത്രങ്ങളെല്ലാം സോഷ്യല്‍ മീഡിയയില്‍ വലിയ രീതിയില്‍ ശ്രദ്ധിക്കപ്പെടാറുണ്ട്.