Mammootty and B.Unnikrishnan
ബോക്സ്ഓഫീസില് തരംഗമാകാന് മമ്മൂട്ടി-ബി.ഉണ്ണികൃഷ്ണന് ചിത്രം. ഫെസ്റ്റിവല് വിപണി ലക്ഷ്യമിട്ടാണ് ഈ ചിത്രം റിലീസിനെത്തുക. ഈ വര്ഷം ക്രിസ്മസ് റിലീസായിരിക്കും ചിത്രമെന്നും റിപ്പോര്ട്ട്.
വമ്പന് ക്യാന്വാസിലാണ് മമ്മൂട്ടിയെ നായകനാക്കിയുള്ള ഇന്വസ്റ്റിഗേഷന് ത്രില്ലര് ബി.ഉണ്ണികൃഷ്ണന് ഒരുക്കുന്നത്. വേള്ഡ് വൈഡ് റിലീസായിരിക്കും. കൂടുതല് സ്ക്രീനുകള് കിട്ടാനുള്ള പരിശ്രമങ്ങള് അണിയറ പ്രവര്ത്തകര് ഇപ്പോള് തന്നെ ആരംഭിച്ചിട്ടുണ്ട്. ബോക്സ്ഓഫീസില് നൂറ് കോടി കിലുക്കം സ്വന്തമാക്കുമെന്നാണ് അണിയറ പ്രവര്ത്തകര് അവകാശപ്പെടുന്നത്. ബി.ഉണ്ണികൃഷ്ണന്റെ അവസാന ചിത്രം മോഹന്ലാലിനെ നായകനാക്കിയുള്ള ആറാട്ട് ആയിരുന്നു. ഇത് തിയറ്ററുകളില് പരാജയപ്പെട്ടു. ആറാട്ടിന്റെ ക്ഷീണം തീര്ക്കാന് മമ്മൂട്ടി ചിത്രത്തിലൂടെ സാധിക്കുമോ എന്നാണ് ആരാധകര് കാത്തിരിക്കുന്നത്.
യഥാര്ഥ സംഭവത്തെ ആസ്പദമാക്കിയാണ് ബി.ഉണ്ണികൃഷ്ണന്റെ മമ്മൂട്ടി ചിത്രം ഒരുങ്ങുന്നത്. മമ്മൂട്ടി പൊലീസ് ഓഫീസറുടെ വേഷത്തിലെത്തുന്ന ചിത്രത്തില് സ്നേഹ, അമല പോള്, ഐശ്വര്യ ലക്ഷ്മി എന്നിവരാണ് നായികമാര്. ഉദയകൃഷ്ണയുടേതാണ് തിരക്കഥ.
രഹ്നയെക്കുറിച്ച് തുറന്ന് പറഞ്ഞ് കലാഭവന് നിയാസ്. നവാസില്ലാതെ…
ആരാധകര്ക്കായി പുതിയ ചിത്രങ്ങള് പങ്കുവെച്ച് സായി ഐശ്വര്യ…
ആരാധകര്ക്കായി പുതിയ ചിത്രങ്ങള് പങ്കുവെച്ച് സായി അവന്തിക.…