കഴുത്തില്‍ പൂമാലയണിഞ്ഞ് നെറുകില്‍ സിന്ദൂരം ചാര്‍ത്തി അമൃത സുരേഷ്; ഗോപി സുന്ദറുമായുള്ള വിവാഹം കഴിഞ്ഞോ എന്ന് ആരാധകര്‍

പുതിയ ചിത്രം പങ്കുവെച്ച് അമൃത സുരേഷും ജീവിതപങ്കാളി ഗോപി സുന്ദറും. കഴുത്തില്‍ പൂമാലയണിഞ്ഞാണ് ഇരുവരും നില്‍ക്കുന്നത്. അമൃത നെറുകില്‍ സിന്ദൂരം ചാര്‍ത്തിയിട്ടുമുണ്ട്.

ഇപ്പോഴാണോ വിവാഹം കഴിഞ്ഞതെന്നാണ് പുതിയ ചിത്രം കണ്ട് ആരാധകര്‍ ചോദിച്ചത്. ഹരോ ഹര റ്റു പഴനി മുരുകനെന്ന ക്യാപ്ഷനോടെയായാണ് ഗോപി സുന്ദര്‍ ചിത്രം പോസ്റ്റ് ചെയ്തത്. പച്ച സാരിയും മഞ്ഞ ബ്ലൗസുമായിരുന്നു അമൃതയുടെ കോസ്റ്റ്യൂം. മുണ്ടും കുര്‍ത്തിയുമണിഞ്ഞ് സ്റ്റൈലിഷായാണ് ഗോപി സുന്ദറും പോസ് ചെയ്തത്.

അതേസമയം, ഇത് വിവാഹ ചിത്രമല്ലെന്നാണ് ഗോപി സുന്ദര്‍ പറയുന്നത്. പളനിയില്‍ പോയപ്പോള്‍ എടുത്തതാണെന്ന് ഗോപി പറഞ്ഞു.

അടുത്തിടെയാണ് തങ്ങള്‍ പ്രണയത്തിലാണെന്ന വിവരം ഇരുവരും സോഷ്യല്‍ മീഡിയയിലൂടെ അറിയിച്ചത്. ജീവിതത്തിലെ വിഷമഘട്ടങ്ങള്‍ പിന്നിട്ട് ഒരുമിച്ചു മനോഹര യാത്ര ആരംഭിക്കുകയാണെന്നും ആരാധകരുടെ സ്‌നേഹവും പ്രാര്‍ഥനയും എന്നും തങ്ങളുടെ കൂടെ ഉണ്ടാകുമെന്നു പ്രതീക്ഷിക്കുന്നതായും അമൃത വ്യക്തമാക്കിയിരുന്നു.