ദാവണിയില്‍ തനി നാടന്‍ പെണ്‍കുട്ടിയായി അനുശ്രീ; ചിത്രങ്ങള്‍

മലയാളി തനിമയുള്ള കഥാപാത്രങ്ങളിലൂടെ ആരാധകരുടെ പ്രിയപ്പെട്ട താരമായ അഭിനേത്രിയാണ് അനുശ്രീ. സിനിമയില്‍ നാടന്‍ വേഷങ്ങളാണ് കൂടുതല്‍ ചെയ്തിട്ടുള്ളതെങ്കിലും അനുശ്രീ യഥാര്‍ത്ഥത്തില്‍ വളരെ മോഡേണ്‍ ആണ്.

സോഷ്യല്‍ മീഡിയയില്‍ തന്റെ മോഡേണ്‍ ചിത്രങ്ങള്‍ അനുശ്രീ പങ്കുവെയ്ക്കാറുണ്ട്. പല ചിത്രങ്ങളിലും അതീവ ഗ്ലാമറസായാണ് താരത്തെ കാണാറുള്ളത്. ഇപ്പോള്‍ ഇതാ സിനിമയിലെ പോലെ തനി നാടന്‍ പെണ്‍കുട്ടിയായി പ്രത്യക്ഷപ്പെട്ടിരിക്കുകയാണ് താരം.

ദാവണി ഉടുത്ത് കുപ്പിവള അണിഞ്ഞ് മുല്ലപ്പൂവ് ചൂടി വളരെ സുന്ദരിയായാണ് അനുശ്രീയെ പുതിയ ചിത്രങ്ങളില്‍ കാണുന്നത്. മൂകാംബികയില്‍ തൊഴാന്‍ പോയ വേഷമാണ് താരത്തിന്റേത്. ചിത്രങ്ങള്‍ നിമിഷനേരം കൊണ്ട് വൈറലായി.

ഡയമണ്ട് നെക്ലസ് എന്ന ഫഹദ് ഫാസില്‍ ചിത്രത്തിലൂടെയാണ് താരം സിനിമയിലേക്ക് എത്തുന്നത്. പിന്നീട് ഇങ്ങോട്ട് തുടര്‍ച്ചയായ വര്‍ഷങ്ങളില്‍ മലയാള സിനിമയില്‍ തന്റെ സ്ഥാനം ഉറപ്പിക്കുന്ന മികച്ച സിനിമകളുടെ ഭാഗമായി. കൊല്ലം ജില്ലയിലെ കമുകഞ്ചേരി സ്വദേശിനിയായ അനുശ്രീ ഇപ്പോള്‍ മോഡലിങ്ങിലും ശ്രദ്ധിക്കുകയാണ്.