വര്‍ഷങ്ങള്‍ക്ക് ശേഷം രതി ചേച്ചിയെ കണ്ട് പപ്പു; ശ്വേതയ്‌ക്കൊപ്പം ശ്രീജിത്ത്

ശ്വേത മേനോനൊപ്പമുള്ള ചിത്രം പങ്കുവെച്ച് നടന്‍ ശ്രീജിത്ത് വിജയ്. അമ്മയുടെ ജനറല്‍ ബോഡി യോഗത്തില്‍ വെച്ചാണ് ഇരുവരും കണ്ടുമുട്ടിയത്.

2011 ല്‍ ടി.കെ.രാജീവ് കുമാര്‍ സംവിധാനം ചെയ്ത രതിനിര്‍വേദത്തില്‍ കേന്ദ്ര കഥാപാത്രങ്ങളെ അവതരിപ്പിച്ചത് ശ്വേതയും ശ്രീജിത്തുമാണ്. ശ്വേത രതി ചേച്ചി എന്ന കഥാപാത്രത്തെയും ശ്രീജിത്ത് പപ്പു എന്ന കഥാപാത്രത്തെയുമാണ് അവതരിപ്പിച്ചത്.

11 വര്‍ഷങ്ങള്‍ക്ക് ശേഷം രതി ചേച്ചിയും പപ്പുവും കണ്ടുമുട്ടിയപ്പോള്‍ എന്നാണ് ഈ ചിത്രം കണ്ട് ആരാധകരുടെ കമന്റ്.

പി.പത്മരാജന്‍ നോവലിനെ അടിസ്ഥാനമാക്കി 1978-ല്‍ പുറത്തിറങ്ങിയ രതിനിര്‍വേദം എന്ന സിനിമയുടെ റീമേക്ക് ആയിരുന്നു 2011ല്‍ പുറത്തിറങ്ങിയത്.