ജയറാമിനൊപ്പം അഭിനയിക്കുന്നത് അമ്മയ്ക്ക് ഇഷ്ടമല്ല, കാരണം പ്രണയം; മനസ്സുതുറന്ന് പാര്‍വതി

താനും ജയറാമും തമ്മിലുള്ള പ്രണയബന്ധത്തെ വീട്ടുകാര്‍ എതിര്‍ത്തിരുന്നെന്ന് നടി പാര്‍വതി ജയറാം. പാര്‍വതിയുടെ അമ്മയായിരുന്നു ഈ ബന്ധത്തെ ശക്തമായി എതിര്‍ത്തിരുന്നത്.

ജയറാമിനൊപ്പം അഭിനയിക്കാനുള്ള ഒരുപാട് അവസരങ്ങള്‍ അമ്മയുടെ നിര്‍ബന്ധം കാരണം വേണ്ടെന്നുവച്ചിട്ടുണ്ട്. തനിക്കാണെങ്കില്‍ ജയറാമിനൊപ്പം അഭിനയിക്കുന്നതായിരുന്നു അക്കാലത്ത് ഏറെ ഇഷ്ടപ്പെട്ട കാര്യം. ഇതുംപറഞ്ഞത് അമ്മയോട് തര്‍ക്കിച്ചിരുന്നെന്നും പാര്‍വതി പറയുന്നു.

ജയറാം-പാര്‍വതി ബന്ധത്തെ തുടക്കം മുതല്‍ പാര്‍വതിയുടെ അമ്മ എതിര്‍ത്തിരുന്നു. അക്കാലത്ത് ജയറാമിനേക്കാള്‍ വലിയ താരമായിരുന്നു പാര്‍വതി. ഇതാണ് പ്രണയബന്ധത്തെ എതിര്‍ക്കാനുള്ള ആദ്യ കാരണം. പിന്നെ സിനിമയില്‍ നിന്ന് ഒരു പങ്കാളി മകള്‍ക്ക് വേണ്ട എന്നും പാര്‍വതിയുടെ അമ്മ ആഗ്രഹിച്ചിരുന്നു. ഒടുവില്‍ പാര്‍വതിയുടെ വാശിക്ക് വീട്ടുകാര്‍ വഴങ്ങുകയായിരുന്നു.

സിനിമ സെറ്റുകളില്‍ ആര്‍ക്കും തങ്ങളുടെ പ്രണയത്തെ കുറിച്ച് അറിയില്ലെന്നാണ് പാര്‍വതി ആദ്യം കരുതിയിരുന്നത്. എന്നാല്‍ പല സെറ്റുകളിലും നടന്‍മാരും നടിമാരും തന്നെയും ജയറാമിനേയും കളിയാക്കാന്‍ തുടങ്ങി. കിരീടം സിനിമ ഷൂട്ട് ചെയ്യുമ്പോള്‍ മോഹന്‍ലാല്‍ വരെ കളിയാക്കിയിട്ടുണ്ടെന്നും ബിഹൈന്‍ഡ് വുഡ്‌സിന് നല്‍കിയ അഭിമുഖത്തില്‍ പാര്‍വതി പറഞ്ഞു.

‘പടം മുഴുവന്‍ കാണുന്നുണ്ടോ എന്ന് എനിക്ക് അറിയില്ല. എങ്ങനെയാണ് അഞ്ച് ദിവസം കൊണ്ട് ഇത്രയും സിനിമകള്‍ കാണുന്നത്. ജൂറിക്ക് നേതൃത്വം കൊടുത്ത ആള്‍ മലയാളി അല്ലല്ലോ. മലയാളി അല്ലാത്ത ആള്‍ക്ക് എങ്ങനെയാണ് നമ്മുടെ പടം മനസ്സിലാകുക? ഇത്രയും പടങ്ങള്‍ എങ്ങനെയാണ് ഇവര്‍ അഞ്ച് ദിവസം കൊണ്ട് കണ്ടുതീര്‍ക്കുന്നതെന്ന് എനിക്ക് അറിയില്ല ! അഞ്ച് ദിവസംകൊണ്ട് ഇത്രയും അധികം പടങ്ങള്‍ കണ്ടാല്‍ തലയ്ക്ക് ഭ്രാന്ത് പിടിക്കില്ലേ? അതും മലയാളം അറിയാത്ത ആള്‍ ! കിളി പോയിട്ടുണ്ടാകും അയാളുടെ,’ ഷൈന്‍ ടോം ചാക്കോ പറഞ്ഞു.