പൃഥ്വിരാജ് സിനിമയ്ക്കായി കെ.ജി.എഫ്. നിര്‍മാതാക്കള്‍; തിരക്കഥ മുരളി ഗോപി

ലൂസിഫറിനും ബ്രോ ഡാഡിക്കും ശേഷം പൃഥ്വിരാജ് സംവിധാനം ചെയ്യുന്ന മൂന്നാമത്തെ ചിത്രം പ്രഖ്യാപിച്ചു. കെ.ജി.എഫിന്റെ നിര്‍മാതാക്കളായ ഹോമ്പാലെ ഫിലിംസാണ് ചിത്രം നിര്‍മിക്കുന്നത്. ‘ടൈസണ്‍’ എന്നാണ് പുതിയ ചിത്രത്തിന്റെ പേര്.

മുരളി ഗോപിയാണ് ചിത്രത്തിന്റെ തിരക്കഥ. പൃഥ്വിരാജും ചിത്രത്തില്‍ പ്രധാന വേഷത്തില്‍ എത്തുന്നു. മലയാളം, തമിഴ്, തെലുങ്ക്, ഹിന്ദി എന്നീ ഭാഷകളിലാണ് ചിത്രം ഒരുങ്ങുന്നത്. ജന ഗണ മനയാണ് പൃഥ്വിരാജിന്റെ ഏറ്റവും ഒടുവിലായി പുറത്തിറങ്ങിയ ചിത്രം.

ഷാജി കൈലാസ് സംവിധാനം ചെയ്യുന്ന കടുവയാണ് പൃഥ്വിരാജിന്റെ ഏറ്റവും പുതിയതായി റിലീസ് ചെയ്യാനിരിക്കുന്ന ചിത്രം.