അമൃതയുടെ കാല്‍ പൊള്ളാതിരിക്കാന്‍ ഷൂ ഊരികൊടുത്ത് ഗോപി സുന്ദര്‍; ചിത്രം വൈറല്‍

ഏറെ ആരാധകരുള്ള പ്രണയജോഡികളാണ് ഗോപി സുന്ദറും അമൃത സുരേഷും. ഈയടുത്താണ് ഇരുവരും തങ്ങളുടെ പ്രണയം തുറന്നുപറഞ്ഞത്. ഇരുവരും ഇപ്പോള്‍ ഒന്നിച്ചാണ് താമസിക്കുന്നത്.

കഴിഞ്ഞ ദിവസം ഗോപി സുന്ദറിന്റെ നേതൃത്വത്തില്‍ തിരുവനന്തപുരത്ത് ലൈവ് മ്യൂസിക്ക് ഷോ നടത്തിയിരുന്നു. അമൃതയും ഈ പരിപാടിയില്‍ പങ്കെടുത്തിരുന്നു. തിരുവനന്തപുരത്ത് എത്തിയ ഇരുവരും ഒന്നിച്ച് പത്മനാഭസ്വാമി ക്ഷേത്രത്തില്‍ ദര്‍ശനം നടത്തിയതിന്റെ ചിത്രമാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.

ഗോപി സുന്ദറാണ് ഈ ചിത്രം ഇന്‍സ്റ്റഗ്രാമില്‍ പങ്കുവെച്ചത്. ഈ ചിത്രത്തിന്റെ പ്രത്യേകത കണ്ടെത്തിയിരിക്കുകയാണ് ആരാധകര്‍. ഗോപി സുന്ദറിന്റെ ഒരു ഷൂവില്‍ അമൃത കയറി നില്‍ക്കുന്നത് വീഡിയോയില്‍ കാണാം. മറ്റൊരു ഷൂവില്‍ ഗോപി സുന്ദറും കയറി നില്‍ക്കുന്നു.

ആ സമയത്ത് പത്മനാഭസ്വാമി ക്ഷേത്ര പരിസരത്ത് പൊരിഞ്ഞ വെയില്‍ ആയിരുന്നു. കാല്‍ പൊള്ളാതിരിക്കാനാണ് അമൃതയ്ക്ക് തന്റെ ഒരു ഷൂസ് ഗോപി സുന്ദര്‍ നല്‍കിയത്. അതില്‍ കയറി നിന്നാണ് അമൃത ഫോട്ടോയ്ക്ക് പോസ് ചെയ്തിരിക്കുന്നത്. ഈ ചിത്രങ്ങള്‍ സോഷ്യല്‍ മീഡിയയില്‍ വൈറലായിട്ടുണ്ട്.