സാരിയിൽ വീണ്ടും ഗ്ലാമറസായി പ്രയാഗ മാർട്ടിൻ; ചിത്രങ്ങൾ കാണാം

മലയാളി സിനിമയിൽ പുതുമുഖ നായികമാരിൽ പ്രേക്ഷകർക്ക് ഏറെ സുപരിചിതയായ ഒരാളാണ് പ്രയാഗ മാർട്ടിൻ. ചുരുക്കം സിനിമകളിലൂടെ തന്നെ തന്റെ സ്ഥാനമുറപ്പിക്കാൻ സാധിച്ച താരം സമൂഹ മാധ്യമങ്ങളിലും സജീവ സാനിധ്യമാണ്.

സാരിയിലുള്ള താരത്തിന്റെ ഏറ്റവും പുതിയ ചിത്രങ്ങളും ഇൻസ്റ്റാഗ്രാമിൽ വൈറലാവുകയാണ്. കഴിഞ്ഞ കുറച്ച് ദിവസങ്ങളായി ഇളം നീല നിറത്തിലുള്ള താരത്തിന്റെ ചിത്രങ്ങൾ വിവിധ പേജുകളിൽ പ്രത്യക്ഷപ്പെടുന്നുണ്ട്. എന്നാൽ താരം ഇതുവരെ ഇത് സ്വന്തം വാളിൽ പോസ്റ്റ് ചെയ്തട്ടില്ല.

എറണാകുളം സ്വദേശിയായ പ്രയാഗ മോഹൻലാൽ ചിത്രം സാഗർ ഏലിയാസ് ജാക്കിയിലൂടെ ബാലതാരമായാണ് സിനിമയിൽ എത്തുന്നത്. ഉസ്താദ് ഹോട്ടലിലും ക്യാമിയോ റോളിലെത്തിയ താരം ആദ്യമായി മുഖ്യ വേഷത്തിൽ അഭിനയിക്കുന്നത് തമിഴ് ചിത്രം പിശാസ് ആണ്.

കഴിഞ്ഞ ദിവസം കോഴിക്കോട് നടന്ന ഒരു സ്വകാര്യ ഫാഷൻ ഷോയിലും താരത്തിന്റെ അപ്പിയറൻസ് പ്രേക്ഷകരെ ഞെട്ടിച്ചിരുന്നു. നോർത്ത് ഇന്ത്യൻ ലുക്കിൽ അതിമനോഹരിയായാണ് താരത്തെ കാണാനാകുക. 2020ൽ പുറത്തിറങ്ങിയ ഭൂമിയിലെ മനോഹര സ്വകാര്യം എന്ന ചിത്രമാണ് നടി അവസാനം അഭിനയിച്ച മലയാള സിനിമ.