‘ഞാന്‍ പശൂനേം കഴിക്കും, പശുവിന് മാത്രം എന്താ ഈ നാട്ടില്‍ പ്രത്യേക പരിഗണന’; നടി നിഖില വിമല്‍

പശുവിന് മാത്രം എന്താ ഈ നാട്ടില്‍ പ്രത്യേക പരിഗണന എന്ന കിടിലന്‍ ചോദ്യവുമായി നടി നിഖില വിമല്‍. ഒരു മാധ്യമത്തിനു നല്‍കിയ അഭിമുഖത്തില്‍ സംസാരിക്കുന്നതിനിടെയാണ് താരത്തിന്റെ ചോദ്യം.

‘ നമ്മുടെ നാട്ടില്‍ പശുവിനെ വെട്ടാം. പശുവിനെ വെട്ടരുതെന്ന ഒരു സിസ്റ്റമേ ഇന്ത്യയില്‍ ഇല്ല. മൃഗങ്ങളെ സംരക്ഷിക്കുകയാണെങ്കില്‍ എല്ലാ മൃഗങ്ങളേയും സംരക്ഷിക്കണം. പശുവിന് മാത്രം പ്രത്യേക പരിഗണന ഈ നാട്ടില്‍ ഇല്ല. പശുവിനെ മാത്രം കൊല്ലരുത് എന്ന് പറഞ്ഞാല്‍ എന്താ? ഞാന്‍ എന്തും കഴിക്കും. വംശനാശം വരുന്നതുകൊണ്ടാണ് വന്യമൃഗങ്ങളെ കൊല്ലരുതെന്ന് പറയുന്നത്. ഞാന്‍ പശൂനേം കഴിക്കും… ഞാന്‍ എരുമേനേം കഴിക്കും..ഞാന്‍ എന്തും കഴിക്കും,’ നിഖില പറഞ്ഞു.

നിഖില പ്രധാന കഥാപാത്രത്തെ അവതരിപ്പിച്ച ജോ & ജോ എന്ന ചിത്രം തിയറ്ററുകളില്‍ പ്രദര്‍ശനം ആരംഭിച്ചു. ചിത്രത്തിന് മികച്ച പ്രതികരണമാണ് പ്രേക്ഷകരില്‍ നിന്ന് ലഭിക്കുന്നത്.