ഞാനൊരു നടനായി ജനിച്ചുവീണ ആളൊന്നും അല്ലല്ലോ? സ്വയം മിനുക്കി മിനുക്കി അല്ലേ ഇങ്ങനെ ആയത്; മമ്മൂട്ടി പറയുന്നു

താനൊരു ജന്മനാ ഉള്ള നടനൊന്നും അല്ലെന്ന് മമ്മൂട്ടി. ദ ക്യൂവിന് നല്‍കിയ ഏറ്റവും പുതിയ അഭിമുഖത്തില്‍ സംസാരിക്കുകയായിരുന്നു അദ്ദേഹം. അഭിനയിക്കാനുള്ള അതിയായ ആഗ്രഹം കൊണ്ട് നടനായ ആളാണ് താനെന്നും മമ്മൂട്ടി പറഞ്ഞു.

‘ ഞാനൊരു സോ കോള്‍ഡ് ബോണ്‍ ആക്ടറൊന്നും അല്ലല്ലോ. അഭിനയിക്കാന്‍ ആഗ്രഹിച്ച് അങ്ങനെ നന്നായി തേച്ച് തേച്ച് മിനുക്കിയെടുത്തതാണ്. ഇനിയും തേച്ചാല്‍ ഇനിയും മിനുങ്ങും. തിരിച്ചടി വരുമ്പോള്‍ കൂടുതല്‍ മിനുക്കാനും തോന്നും,’ മമ്മൂട്ടി പറഞ്ഞു.