പ്രായം പിന്നിലോട്ട്; കൂടുതല്‍ ചെറുപ്പമായി ലിസി, പ്രിയ താരത്തിന്റെ പുതിയ ചിത്രങ്ങള്‍ കാണാം

തൊണ്ണൂറുകളിലെ സൂപ്പര്‍ഹിറ്റ് സിനിമകളിലെല്ലാം സ്ഥിര സാന്നിധ്യമായിരുന്നു നടി ലിസി. അക്കാലത്ത് പ്രിയദര്‍ശന്‍ സംവിധാനം ചെയ്ത സിനിമകളില്‍ ഭൂരിഭാഗത്തിലും ലിസി ഉണ്ടായിരുന്നു. നാട്ടിന്‍പുറത്തുകാരിയായ പെണ്‍കുട്ടിയായി ലിസി തിളങ്ങി നിന്ന കാലമായിരുന്നു അത്.

സംവിധായകന്‍ പ്രിയദര്‍ശനെ വിവാഹം കഴിച്ച ശേഷമാണ് ലിസി സിനിമ രംഗത്ത് നിന്ന് ബ്രേക്ക് എടുത്തത്. പിന്നീട് കുടുംബത്തിന്റെ ഉത്തരവാദിത്തങ്ങളെല്ലാം നോക്കിയിരുന്നത് ലിസിയായിരുന്നു.

ലിസിയും പ്രിയദര്‍ശനും വിവാഹബന്ധം വേര്‍പ്പെടുത്തിയ വാര്‍ത്ത ഏറെ ഞെട്ടലോടെയാണ് മലയാളികള്‍ കേട്ടത്. ഡിവോഴ്‌സിനു ശേഷം ലിസി തന്റെ പേരിനൊപ്പമുള്ള പ്രിയദര്‍ശന്‍ വെട്ടി പകരം ലിസി ലക്ഷ്മി എന്നാക്കി. സോഷ്യല്‍ മീഡിയയിലും താരം ഇപ്പോള്‍ സജീവമാണ്.

ലിസിയുടെ പുതിയ ചിത്രങ്ങളാണ് സോഷ്യല്‍ മീഡിയയില്‍ ഇപ്പോള്‍ ശ്രദ്ധിക്കപ്പെട്ടിരിക്കുന്നത്. പ്രായത്തെ തോല്‍പ്പിക്കുന്ന സൗന്ദര്യമാണ് താരത്തിന്റേതെന്ന് ആരാധകര്‍ കമന്റ് ചെയ്തിരിക്കുന്നത്. ബോഡി ഫിറ്റ്‌നെസിന് വലിയ പ്രാധാന്യം നല്‍കുന്ന ലിസി തന്റെ വര്‍ക്ക്ഔട്ട് ചിത്രങ്ങളും വീഡിയോയും സോഷ്യല്‍ മീഡിയയില്‍ പങ്കുവയ്ക്കാറുണ്ട്.