‘ഒരിക്കലും പറയാത്ത പ്രണയകഥ’; വാപ്പച്ചിയുടേയും ഉമ്മച്ചിയുടേയും വിന്റേജ് ചിത്രം പങ്കുവെച്ച് ദുല്‍ഖര്‍

വാപ്പച്ചിക്കും ഉമ്മച്ചിക്കും വിവാഹ വാര്‍ഷിക ആശംസകള്‍ നേര്‍ന്ന് ദുല്‍ഖര്‍ സല്‍മാന്‍. മേയ് ആറിനാണ് മമ്മൂട്ടിയും സുല്‍ഫത്തും തങ്ങളുടെ 43-ാം വിവാഹ വാര്‍ഷികം ആഘോഷിച്ചത്.

വാപ്പച്ചിയുടേയും ഉമ്മച്ചിയുടേയും വിന്റേജ് ചിത്രം പങ്കുവെച്ചാണ് ദുല്‍ഖര്‍ വിവാഹ വാര്‍ഷിക ആശംസകള്‍ നേര്‍ന്നത്. ചിത്രത്തിന് ദുല്‍ഖര്‍ നല്‍കിയ ക്യാപ്ഷനാണ് ശ്രദ്ധിക്കപ്പെട്ടിരിക്കുന്നത്.

‘ഒരിക്കലും പറയാത്ത ഏറ്റവും മഹത്തായ പ്രണയകഥ’ എന്ന് കുറിച്ചുകൊണ്ടാണ് നടന്റെ ആശംസ. ഈ ക്യൂട്ടായ രണ്ട് പേര്‍ക്കു ഏറ്റവും സന്തോഷകരമായ വിവാഹ വാര്‍ഷികം ആശംസിക്കുന്നു എന്നും നടന്‍ കുറിച്ചു.

1979 മേയ് ആറിനാണ് മമ്മൂട്ടിയും സുല്‍ഫത്തും വിവാഹിതരായത്. സുറുമിയും ദുല്‍ഖറുമാണ് മമ്മൂട്ടിയുടേയും സുല്‍ഫത്തിന്റേയും മക്കള്‍.