ശബരിമലയില്‍ പോയിട്ടും കാര്യമില്ല ! ദിലീപിനെ കാത്തിരിക്കുന്നത് തിരിച്ചടികള്‍

നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വകവരുത്താന്‍ ഗൂഢാലോചന നടത്തിയെന്ന കേസ് റദ്ദാക്കണമെന്നാവശ്യപ്പെട്ട ദിലീപിന്റെ ഹര്‍ജി ഹൈക്കോടതി തള്ളി. കേസില്‍ അന്വേഷണം തുടരാമെന്ന് ഹൈക്കോടതി വ്യക്തമാക്കി.

വധ ഗൂഢാലോചനക്കേസ് റദ്ദാക്കിയില്ലെങ്കില്‍ കേസ് സിബിഐക്ക് നല്‍കണമെന്ന് ഹര്‍ജിയില്‍ ദിലീപ് ആവശ്യപ്പെട്ടിരുന്നു. എന്നാല്‍ ഈ ആവശ്യവും കോടതി അംഗീകരിച്ചില്ല.

നടിയെ ആക്രമിച്ച കേസിലെ പ്രശ്‌നങ്ങള്‍ എല്ലാം തീരാന്‍ ജോത്സ്യന്‍ നിര്‍ദേശിച്ചത് അനുസരിച്ച് കഴിഞ്ഞ ദിവസം ദിലീപും കുടുംബവും ക്ഷേത്രങ്ങളില്‍ ദര്‍ശനം നടത്തിയിരുന്നു. ശബരിമലയിലും താരം ദര്‍ശനം നടത്തി. എന്നാല്‍, കോടതിയില്‍ നിന്ന് വന്‍ തിരിച്ചടികളാണ് ദിലീപിന് ഇപ്പോള്‍ നേരിടേണ്ടിവന്നിരിക്കുന്നത്.