ആദ്യ പ്രതിഫലം 1001 രൂപ, പണ്ട് സ്വന്തം ശബ്ദത്തിനു ഡബ്ബ് ചെയ്യാന്‍ ആരും അനുവദിക്കില്ലായിരുന്നു: വിനീത്

നടന്‍, നര്‍ത്തകന്‍, ഡബ്ബിങ് ആര്‍ട്ടിസ്റ്റ് എന്ന നിലയിലെല്ലാം ശ്രദ്ധിക്കപ്പെട്ട താരമാണ് വിനീത്. സിനിമാ ജീവിതത്തിലെ ഓര്‍മകള്‍ പങ്കുവെച്ചുള്ള വിനീതിന്റെ അഭിമുഖമാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. തനിക്ക് ആദ്യമായി കിട്ടിയ പ്രതിഫലം എത്രയാണെന്ന് വിനീത് വെളിപ്പെടുത്തുന്നു.

പണ്ട് അഭിനയിക്കുന്ന കാലത്ത് സ്വന്തം ശബ്ദത്തിന് ഡബ്ബ് ചെയ്യണമെന്ന് ആവശ്യപ്പെട്ടാലും ആരും അനുവദിക്കില്ലായിരുന്നു. അന്നൊക്കെ കൃഷ്ണ ചന്ദ്രനായിരുന്നു ശബ്ദം നല്‍കിയിരുന്നതെന്നും വിനീത് പറയുന്നു.

ഐ.വി.ശശി സാറിന്റെ കയ്യില്‍ നിന്നാണ് ആദ്യത്തെ പ്രതിഫലം ലഭിച്ചത്. അതൊരു വലിയ അനുഗ്രഹമായിരുന്നു. സീമ ചേച്ചിയും മറ്റ് നിരവധി കലാകാരന്മാരും അന്ന് അവിടെ ഉണ്ടായിരുന്നു. ആയിരത്തൊന്ന് രൂപയായിരുന്നു പ്രതിഫലമെന്നും വിനീത് പറയുന്നു.