സിബിഐ 5: പിടിതരുമോ ടീസര്‍? ആരാധകര്‍ കാത്തിരിക്കുന്ന ഐറ്റം ഇന്ന് അഞ്ച് മണിക്ക്, പ്രീമിയര്‍ ലിങ്ക് പുറത്തുവിട്ടു

ആരാധകര്‍ വലിയ പ്രതീക്ഷയോടെ കാത്തിരിക്കുന്ന മമ്മൂട്ടി ചിത്രമാണ് സിബിഐ 5 – ദി ബ്രെയ്ന്‍. ഈ മാസം അവസാനത്തോടെ ചിത്രം തിയറ്ററുകളിലെത്തുമെന്നാണ് സൂചന. സിനിമയുടെ പ്ലോട്ടിനെ കുറിച്ച് ചിത്രത്തില്‍ അഭിനയിക്കുന്ന ഭൂരിഭാഗം പേര്‍ക്കും അറിയില്ല. അത്ര രഹസ്യമായാണ് ഷൂട്ടിങ് നടന്നത്. തിരക്കഥാകൃത്ത് എസ്.എന്‍.സ്വാമിക്കും സംവിധായകന്‍ കെ.മധുവിനും മമ്മൂട്ടിക്കും മാത്രമാണ് ചിത്രത്തിന്റെ കഥ പൂര്‍ണമായി അറിയുകയെന്നാണ് റിപ്പോര്‍ട്ട്.

സിബിഐ 5 നെ കുറിച്ച് എന്തെങ്കിലും സൂചന ഇന്ന് കിട്ടുമെന്നാണ് ആരാധകര്‍ ഇപ്പോള്‍ പ്രതീക്ഷിക്കുന്നത്. ചിത്രത്തിന്റെ ആദ്യ ടീസര്‍ ഇന്ന് വൈകിട്ട് അഞ്ചിന് പുറത്തുവിടും. സൈന മൂവീസ് യുട്യൂബ് ചാനലിലൂടെയാണ് ടീസര്‍ റിലീസ് ചെയ്യുക. ടീസറിന്റെ പ്രീമിയര്‍ ലിങ്ക് അണിയറപ്രവര്‍ത്തകര്‍ പുറത്തുവിട്ടു.

അതേസമയം, സിബിഐ 5 ന്റെ റിലീസുമായി ബന്ധപ്പെട്ട ഏറ്റവും പുതിയ അപ്ഡേഷനും പുറത്തുവരുന്നുണ്ട്. ഏപ്രില്‍ 28 ന് അവധിക്കാല റിലീസായി സിബിഐ-5 റിലീസ് ചെയ്യുമെന്നാണ് വിവരം. വമ്പന്‍ റിലീസിനാണ് ചിത്രം ഒരുങ്ങുന്നത്. വേള്‍ഡ് വൈഡ് ആയി റിലീസ് ചെയ്യാനാണ് അണിയറപ്രവര്‍ത്തകരുടെ തീരുമാനം.