അമിതാഭ് ബച്ചന്‍ തമിഴില്‍, നായകന്‍ കമല്‍ !

കമൽഹാസനെ നായകനാക്കി ലോകേഷ് കനകരാജ് സംവിധാനം ചെയ്യുന്ന വിക്രം ജൂണിൽ റിലീസ് ചെയ്യും. ചിത്രത്തിൽ കമലിനൊപ്പം വിജയ് സേതുപതി, ഫഹദ് ഫാസിൽ എന്നിങ്ങനെ വമ്പൻ താരനിരയാണുള്ളത്. വിക്രമില്‍ അമിതാഭ് ബച്ചനും ഒരു വേഷ‌ത്തിലെത്തുന്നുവെന്ന വാർത്തകളാണ് ഇപ്പോള്‍ ലഭിക്കുന്നത്.

ബിഗ്ബി ഈ സിനിമയില്‍ അതിഥി വേഷത്തിലാകും എത്തുക. ഒരു ദിവസം കൊണ്ട് അമിതാബ് ബച്ചന്റെ രംഗങ്ങള്‍ ചിത്രീകരിച്ചതായാണ് വിവരം. 1985ൽ റിലീസ് ചെയ്‌ത ‘ഗെരാഫ്താർ’ എന്ന സിനിമയിൽ കമല്‍ഹാസനും അമിതാഭ് ബച്ചനും ഒന്നിച്ച് അഭിനയിച്ചിരുന്നു.

നരേന്‍, കാളിദാസ് ജയറാം, ചെമ്പന്‍ വിനോദ് ജോസ് എന്നിവരും ഈ സിനിമയില്‍ പ്രധാനവേഷങ്ങളിലെത്തുന്നുണ്ട്. ഗിരീഷ് ഗംഗാധരന്‍ ആണ് ഛായാഗ്രഹണം. രാജ്‍കമല്‍ ഫിലിംസ് ഇന്‍റര്‍നാഷണലിന്‍റെ ബാനറില്‍ കമല്‍ഹാസനും ആര്‍ മഹേന്ദ്രനും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.