ദുല്ഖര് സല്മാന് ചിത്രം ‘സല്യൂട്ട്’ റിലീസ് ചെയ്തു. നേരത്തെ അറിയിച്ചിരുന്നതിനേക്കാള് ഒരു ദിവസം മുന്പാണ് ചിത്രം ഒ.ടി.ടി. പ്ലാറ്റ്ഫോമില് എത്തിയിരിക്കുന്നത്. മാര്ച്ച് 18 ന് ഒ.ടി.ടി. പ്ലാറ്റ്ഫോമായ സോണി ലിവില് റിലീസ് ചെയ്യുമെന്നാണ് നേരത്തെ അറിയിച്ചിരുന്നത്. എന്നാല് ഇന്ന് ഉച്ചയോടെ സിനിമ റിലീസ് ചെയ്തു. ദുല്ഖര് സല്മാനാണ് ഇക്കാര്യം സോഷ്യല് മീഡിയയിലൂടെ അറിയിച്ചത്. ബോബി സഞ്ജയുടെ തിരക്കഥയില് റോഷന് ആന്ഡ്രൂസാണ് സല്യൂട്ട് സംവിധാനം ചെയ്തിരിക്കുന്നത്.
നേരത്തെ തിയറ്ററില് റിലീസ് ചെയ്യാന് തീരുമാനിച്ച ചിത്രമാണ് സല്യൂട്ട്. പിന്നീട് ഒ.ടി.ടി. പ്ലാറ്റ്ഫോമിലേക്ക് മാറ്റുകയായിരുന്നു. ഇതിനെതിരെ തിയറ്റര് ഉടമകളുടെ സംഘടനയായ ഫിയോക് രംഗത്തെത്തിയിരുന്നു.
ദുല്ഖര് സല്മാനെ തിയറ്റര് ഉടമകളുടെ സംഘടന വിലക്കിയിട്ടുണ്ട്. വ്യവസ്ഥകള് ലംഘിച്ച് സല്യൂട്ട് സിനിമ ഒടിടിക്ക് നല്കിയതിന് നടപടി. ജനുവരി 14ന് തീയേറ്ററില് റിലീസ് ചെയ്യുമെന്നായിരുന്നു കരാര്. ഈ ധാരണ ലംഘിച്ചാണ് സിനിമ ഒടിടിയില് എത്തിയത്. ദുല്ഖറിന്റെ നിര്മാണ കമ്പനിയായ വേഫററാണ് സല്യൂട്ട് നിര്മ്മിച്ചത്.
രഹ്നയെക്കുറിച്ച് തുറന്ന് പറഞ്ഞ് കലാഭവന് നിയാസ്. നവാസില്ലാതെ…
ആരാധകര്ക്കായി പുതിയ ചിത്രങ്ങള് പങ്കുവെച്ച് സായി ഐശ്വര്യ…
ആരാധകര്ക്കായി പുതിയ ചിത്രങ്ങള് പങ്കുവെച്ച് സായി അവന്തിക.…