Categories: Reviews

71-ാം വയസ്സിലും വര്‍ധിത വീര്യത്തില്‍ മമ്മൂട്ടി; അപാര സ്‌ക്രീന്‍പ്രസന്‍സ് കൊണ്ട് ഞെട്ടിച്ചു, മാസും ക്ലാസുമായി അമല്‍ നീരദിന്റെ ഭീഷ്മ പര്‍വ്വം

ഒറ്റവാക്കില്‍ പറഞ്ഞാല്‍ ഉറപ്പായും തിയറ്ററുകളില്‍ കാണേണ്ട സിനിമാ അനുഭവമാണ് മമ്മൂട്ടിയുടെ ഭീഷ്മ പര്‍വ്വം. ബിഗ് ബിക്ക് ശേഷം അമല്‍ നീരദും മമ്മൂട്ടിയും ഒന്നിച്ചപ്പോള്‍ മറ്റൊരു സ്‌റ്റൈലിഷ് സിനിമയാണ് മലയാളത്തില്‍ പിറന്നിരിക്കുന്നത്. ഊഹിക്കാവുന്ന കഥാപരിസരങ്ങളിലൂടെ സിനിമ നീങ്ങുമ്പോഴും പ്രേക്ഷകനെ അതിശയിപ്പിക്കുന്നത് അമല്‍ നീരദ് എന്ന ക്രാഫ്റ്റ്മാന്റെ അടുക്കും ചിട്ടയുമുള്ള സ്‌റ്റൈലിഷ് മേക്കിങ്ങാണ്.

ഫാമിലി ഡ്രാമയില്‍ നിന്ന് പക്കാ റിവഞ്ച് ഡ്രാമയിലേക്കുള്ള ട്രാക്ക് മാറ്റമാണ് ഭീഷ്മ പര്‍വ്വത്തെ തിയറ്ററുകളില്‍ മികച്ച സിനിമാ അനുഭവമാക്കുന്നത്. കൊച്ചിയിലെ അതിപുരാതനമായ അഞ്ഞൂറ്റി കുടുംബവും ആ കുടുംബത്തിന്റെ മുഴുവന്‍ ഉത്തരവാദിത്തവുമുള്ള മൈക്കിളും സിനിമയുടെ ശ്രദ്ധാകേന്ദ്രമാകുന്നു. ആ കുടുംബത്തിനുള്ളില്‍ തന്നെ അധികാര ശ്രേണിയില്‍ രണ്ട് വ്യത്യസ്ത ചേരികള്‍ രൂപപ്പെടുന്നു. അവര്‍ക്കിടയിലെ പടലപിണക്കങ്ങളും അതിന്റെ ഭൂതകാലത്തിലുള്ള പ്രതികാര കഥകളും രണ്ടര മണിക്കൂര്‍ ദൈര്‍ഘ്യം കൊണ്ട് സ്‌ക്രീന്‍ പകര്‍ത്തിയിരിക്കുകയാണ് അമല്‍ നീരദ്.

Beeshma Parvam Trailer

ആദ്യ പകുതിയുടെ ആദ്യ 30 മിനിറ്റില്‍ പ്രേക്ഷകരെ ഞെട്ടിക്കുന്നത് മമ്മൂട്ടിയുടെ പ്രകടനം തന്നെയാണ്. അമല്‍ നീരദ്, അന്‍വര്‍ റഷീദ് തുടങ്ങിയവരുടെ ഫ്രെയ്മുകളിലേക്ക് എത്തുമ്പോള്‍ മമ്മൂട്ടിയില്‍ നിന്ന് ലഭിക്കുന്ന പ്രത്യേക ഊര്‍ജ്ജവും പ്രസരിപ്പും ഭീഷ്മ പര്‍വ്വത്തിന്റെ ആദ്യ പകുതിയില്‍ പ്രേക്ഷകര്‍ക്ക് വിരുന്നാകുന്നു. ആദ്യ പകുതി അരമണിക്കൂര്‍ പിന്നിടുമ്പോള്‍ സിനിമ പതിയെ സ്ലോ പേസിലേക്ക് മാറുന്നുണ്ട്. ക്യാരക്ടര്‍ ഡീറ്റെയ്ലിങ്ങിന് വേണ്ടിയെടുക്കുന്ന സമയമാണ് അത്.

രണ്ടാം പകുതി പൂര്‍ണമായും റിവഞ്ച് ഡ്രാമയിലേക്ക് സിനിമ നീങ്ങുന്നു. സൗബിന്‍ ഷാഹിറിന്റെ പ്രകടനമാണ് രണ്ടാം പകുതിയില്‍ എടുത്തുപറയേണ്ടത്. പലപ്പോഴും മമ്മൂട്ടിക്കൊപ്പമോ അതിനു മുകളിലോ ഷോ സ്റ്റീലറാകുന്നുണ്ട് രണ്ടാം പകുതിയില്‍ സൗബിന്‍. രണ്ടാം പകുതി ഫാസ്റ്റ് ട്രാക്കിലാകുന്നതോടെ സമീപകാലത്ത് മലയാള സിനിമ കണ്ട ഏറ്റവും മികച്ച സ്‌റ്റൈലിഷ് സിനിമയാകുന്നുണ്ട് ഭീഷ്മ പര്‍വ്വം.

സുശിന്‍ ശ്യാമിന്റെ സംഗീതമാണ് സിനിമയുടെ നട്ടെല്ല്. സിനിമ എല്ലാ അര്‍ത്ഥത്തിലും ഒരു തിയറ്റര്‍ അനുഭവമാകുന്നത് സുശിന്റെ പശ്ചാത്തല സംഗീതത്തിന്റെ ക്വാളിറ്റി കൊണ്ട് കൂടിയാണ്.

റേറ്റിങ്: 3.5/5

 

അനില മൂര്‍ത്തി

Recent Posts

മീര ജാസ്മിന്‍ സിനിമയില്‍ എത്തിയത് എങ്ങനെ; ലോഹിതദാസ് പറഞ്ഞത്.

മലയാളികള്‍ക്ക് ഏറെ പ്രിയങ്കരിയായ നടിയാണ് മീര ജാസ്മിന്‍.…

4 hours ago

സിനിമയില്‍ വിലക്ക് നേരിട്ട കാലം; അസിന്റെ സിനിമാ ജീവിതം

മലയാളികള്‍ക്ക് ഏറെ പ്രിയങ്കരിയായ നടിയാണ് അസിന്‍. സത്യന്‍…

4 hours ago

മകളുടെ മാസവരുമാനത്തിലാണ് സന്തോഷം; ദിലീപ് പറയുന്നു

പ്രേക്ഷകര്‍ക്ക് ഏറെ പ്രിയപ്പെട്ട താരകുടുംബമാണ് ദിലീപിന്റെത്. അതുകൊണ്ട്…

4 hours ago

വനിതാ നിര്‍മാതാക്കള്‍ സുരക്ഷിതരല്ല: സാന്ദ്ര തോമസ്

നടി, നിര്‍മ്മാതാവ്, യൂട്യൂബര്‍ എന്നീ നിലകളില്‍ എല്ലാം…

4 hours ago

ബേബി പ്ലാനിങ് ഉണ്ടോ? നാട്ടുകാര്‍ ആ ചോദ്യം ചോദിച്ച് തുടങ്ങി; ശ്രീവിദ്യ പറയുന്നു

മിനിസ്‌ക്രീന്‍ പ്രേക്ഷകര്‍ക്ക് സുപരിചിതയാണ് ശ്രീവിദ്യ. ഫ്ലവേഴ്സിലെ സ്റ്റാര്‍…

4 hours ago

ജഗത് ആണ് എന്റെ മറുപിള്ള കുഴിച്ചിട്ടത്; അമല പറയുന്നു

മലയാളക്കരയില്‍ നിന്നെത്തി തെന്നിന്ത്യയാകെ തന്റെ സാനിധ്യമറിയിച്ച താരമാണ്…

4 hours ago