‘ആറാട്ട്’ ഡീഗ്രേഡിങ്ങിനെതിരെ മമ്മൂട്ടി; ഇത് നല്ല പ്രവണതയല്ല

സിനിമകള്‍ക്കെതിരായ ഡീഗ്രേഡിങ്ങിനെ വിമര്‍ശിച്ച് മമ്മൂട്ടി. അത്തരം ഹേറ്റ് ക്യാംപയ്നുകള്‍ ഒരു കാരണവശാലും പ്രോത്സാഹിപ്പിക്കരുതെന്ന് മമ്മൂട്ടി പറഞ്ഞു. മോഹന്‍ലാല്‍ ചിത്രം ആറാട്ടിനെതിരെ ഹേറ്റ് ക്യാംപയ്ന്‍ നടന്നിട്ടുണ്ടെന്ന സംവിധായകന്‍ ബി.ഉണ്ണികൃഷ്ണന്റെ പരാമര്‍ശം ചൂണ്ടിക്കാട്ടിയാണ് മാധ്യമപ്രവര്‍ത്തകര്‍ മമ്മൂട്ടിയുടെ അഭിപ്രായം ആരാഞ്ഞത്.

‘അത് നല്ല പ്രവണതയൊന്നുമല്ല. നല്ല സിനിമകളുണ്ട്, മോശം സിനിമകളുണ്ട്. അതിനപ്പുറം മനപ്പൂര്‍വ്വം ഒരു സിനിമയെ ഡീഗ്രേഡ് ചെയ്യുന്നത് ശരിയല്ല. അതിനോട് യോജിക്കുന്നുമില്ല,’ മമ്മൂട്ടി പറഞ്ഞു.

ആറാട്ടിനെതിരെ ചിലര്‍ കരുതിക്കൂട്ടി വ്യാജ പ്രചാരണങ്ങള്‍ നടത്തുന്നുണ്ടെന്ന് സംവിധായകന്‍ ബി.ഉണ്ണികൃഷ്ണന്‍ ആരോപിച്ചിരുന്നു.