‘പെണ്ണിന്റെ മാറിലെ തുണി മാറി കിടന്നാല്‍ കണ്ണോടിക്കാത്ത സദാചാര വാദികളുണ്ടോ?’; കലക്കന്‍ ചിത്രത്തിനൊപ്പം വായടപ്പിക്കുന്ന ചോദ്യവുമായി നടി അമേയ

സദാചാരവാദികള്‍ക്ക് കണക്കിനു കൊടുത്ത് നടി അമേയ മാത്യു. പുതിയ ചിത്രങ്ങള്‍ സോഷ്യല്‍ മീഡിയയില്‍ പങ്കുവച്ചുകൊണ്ടാണ് അമേയയുടെ ചോദ്യം.

‘പെണ്ണിന്റെ മാറിലെ തുണി ഒരല്‍പ്പം മാറി കിടന്നാല്‍ ഒന്ന് കണ്ണോടിക്കാത്ത സദാചാരവാദികള്‍ ആരേലും ഇന്നീ നാട്ടില്‍ ഉണ്ടോ? ‘ എന്ന അടിക്കുറിപ്പാണ് തന്റെ ചിത്രങ്ങള്‍ക്ക് താഴെ അമേയ കൊടുത്തിരിക്കുന്നത്.

ചിത്രങ്ങള്‍ക്ക് താഴെ നിരവധി പേരാണ് കമന്റുകളുമായി രംഗത്തെത്തിയിരിക്കുന്നത്. സദാചാരം എന്ന ഹാഷ് ടാഗോടെയാണ് അമേയ ഈ ചിത്രം പങ്കുവച്ചത്.

ഒരു പഴയ ബോംബ് കഥ, ആട് 2 എന്നീ ചിത്രങ്ങളിലൂടെ ശ്രദ്ധേയയായ താരമാണ് അമേയ. വൂള്‍ഫ്, ദ പ്രീസ്റ്റ് തുടങ്ങിയ സിനിമകളാണ് നടിയുടേതായി ഏറ്റവും അവസാനം റിലീസ് ചെയ്ത ചിത്രങ്ങള്‍.