Shobana
വ്യത്യസ്തങ്ങളായ കഥാപാത്രങ്ങളിലൂടെ മലയാളികളുടെ പ്രിയ താരമായ അഭിനേത്രിയാണ് ശോഭന. തെന്നിന്ത്യന്‍ ഭാഷയില്‍ ഒരുകാലത്ത് സൂപ്പര്‍താര പദവി വഹിച്ചിരുന്ന നടിയാണ് ശോഭന. താരത്തിന്റെ ഏറ്റവും മികച്ച അഞ്ച് സിനിമകള്‍ ഏതൊക്കെയാണെന്ന് നോക്കാം
1. മണിച്ചിത്രത്താഴ്
ശോഭനയുടെ കരിയറിലെ ഏറ്റവും മികച്ച സിനിമയാണ് മണിച്ചിത്രത്താഴ്. നാഗവല്ലിയായി ശോഭന പകര്‍ന്നാടിയ നിമിഷങ്ങള്‍ അക്ഷരാര്‍ത്ഥത്തില്‍ മലയാളികളെ ഞെട്ടിച്ചു. ഫാസില്‍ സംവിധാനം ചെയ്ത മണിച്ചിത്രത്താഴ് 1993 ലാണ് റിലീസ് ചെയ്തത്. മോഹന്‍ലാലും സുരേഷ് ഗോപിയും ശോഭനയ്‌ക്കൊപ്പം ചിത്രത്തില്‍ അഭിനയിച്ചു.
2. തേന്മാവിന്‍ കൊമ്പത്ത്
1994 ല്‍ പ്രിയദര്‍ശന്‍ സംവിധാനം ചെയ്ത ചിത്രമാണ് തേന്മാവിന്‍ കൊമ്പത്ത്. മോഹന്‍ലാലും ശോഭനയും തമ്മിലുള്ള കെമിസ്ട്രി ഏറെ ആഘോഷിക്കപ്പെട്ടു. കാര്‍ത്തുമ്പി എന്ന കഥാപാത്രത്തെയാണ് ശോഭന അവതരിപ്പിച്ചത്. സിനിമ ബോക്സ്ഓഫീസില് വമ്പന്‍ഹിറ്റായി.
Shobana
3. ഇന്നലെ
പത്മരാജന്‍ സിനിമകളില്‍ ഏറെ ചര്‍ച്ചയായ സിനിമയാണ് ഇന്നലെ. അപകടത്തില്‍പ്പെട്ട ശേഷം ഭൂതകാലം മറന്നുപോയ പെണ്‍കുട്ടിയുടെ കഥാപാത്രത്തെയാണ് ശോഭന അവതരിപ്പിച്ചത്.
4. അനന്തരം
അടൂര്‍ ഗോപാലകൃഷ്ണന്‍ സംവിധാനം ചെയ്ത അനന്തരം 1987 ലാണ് റിലീസ് ചെയ്തത്. ഇതൊരു സമാന്തര സിനിമയാണ്. ശോഭനയുടെ സിനിമാ കരിയറിലെ വളരെ വ്യത്യസ്തമായ വേഷമായിരുന്നു അനന്തരത്തിലേത്.
5. മിന്നാരം
മിന്നാരത്തിലെ നീന എന്ന ശോഭനയുടെ കഥാപാത്രം പ്രേക്ഷകരെ ഒരേസമയം സന്തോഷിപ്പിക്കുകയും കരയിപ്പിക്കുകയും ചെയ്തു. പ്രിയദര്‍ശന്‍ സംവിധാനം ചെയ്ത മിന്നാരം 1994 ലാണ് റിലീസ് ചെയ്തത്. മോഹന്‍ലാല്‍-ശോഭന കോംബിനേഷന്‍ സീനുകള്‍ ഏറെ ശ്രദ്ധിക്കപ്പെട്ടു.
മലയാളികള്‍ക്ക് ഏറെ പ്രിയങ്കരിയായ നടിയാണ് ഹണി റോസ്.…
കുഞ്ചാക്കോ ബോബന്‍, ഫഹദ് ഫാസില്‍, ജ്യോതിര്‍മയി എന്നിവരെ…
നടന്മാരായ മുകേഷ്, ജയസൂര്യ, ഇടവേള ബാബു ഉള്‍പ്പെടെ…
ആരാധകര്‍ ഏറെ പ്രതീക്ഷയോടെ കാത്തുനില്‍ക്കുന്ന തെന്നിന്ത്യന്‍ സൂപ്പര്‍…
ബോക്സ്ഓഫീസില് ഞെട്ടിക്കുന്ന കുതിപ്പുമായി കിഷ്‌കിന്ധാ കാണ്ഡം. റിലീസ്…