Mohanlal-Aaraattu
മോഹന്‍ലാല്‍ – ബി.ഉണ്ണികൃഷ്ണന്‍ ചിത്രം ആറാട്ട് ഐ.എം.ഡി.ബി. ലിസ്റ്റില്‍ തരംഗമാകുന്നു. ഏറ്റവും അധികം ആളുകള്‍ പ്രതീക്ഷയോടെ കാത്തിരിക്കുന്ന ഇന്ത്യന്‍ സിനിമകളുടെ പട്ടികയില്‍ ഒന്നാമതാണ് ഐ.എം.ഡി.ബി.യില്‍ ആറാട്ട്.
ഫെബ്രുവരി 18 നാണ് സിനിമ തിയറ്ററുകളിലെത്തുക. നെയ്യാറ്റിന്‍കര ഗോപന്‍ എന്ന മാസ് കഥാപാത്രമായാണ് മോഹന്‍ലാല്‍ ആറാട്ടില്‍ എത്തുന്നത്. ചിത്രത്തിന്റെ ടീസറുകളും ട്രെയ്‌ലറും നേരത്തെ ശ്രദ്ധിക്കപ്പെട്ടിരുന്നു.
Mohanlal-Aaraattu
ഒരിടവേളയ്ക്ക് ശേഷം മോഹന്‍ലാല്‍ മീശപിരിയും മുണ്ട് മടക്കി കുത്തലുമായി എത്തുന്ന മാസ് എന്റര്‍ടെയ്‌നര്‍ ചിത്രം കൂടിയാണ് ആറാട്ട്. ആര്‍.ഡി.ഇല്ലുമിനേഷന്‍സ്, ഹിപ്പോ പ്രൈം മോഷന്‍ പിക്ചര്‍സ്, എംപിഎം ഗ്രൂപ്പ് എന്നീ ബാനറുകളുടെ കീഴില്‍ ആര്‍.ഡി.ഇല്ലുമിനേഷന്‍സ്, ശക്തി (എം.പി.എം.ഗ്രൂപ്പ്) ആണ് ചിത്രം നിര്‍മ്മിച്ചിരിക്കുന്നത്. ചിത്രത്തിന്റെ രചന ഉദയ് കൃഷ്ണയും സംഗീതം രാഹുല്‍ രാജുമാണ് നിര്‍വഹിച്ചിരിക്കുന്നത്. പുലിമുരുകന്‍ എന്ന വമ്പന്‍ ഹിറ്റിന് ശേഷം മോഹന്‍ലാല്‍ – ഉദയ്കൃഷ്ണ കൂട്ടുകെട്ട് വീണ്ടുമൊന്നിക്കുന്ന ചിത്രം കൂടിയാണ് ആറാട്ട്.
കെ.ജി.എഫില്‍ ഗരുഡനായി എത്തിയ രാമചന്ദ്ര രാജുവാണ് ചിത്രത്തിലെ വില്ലന്‍. എ.ആര്‍. റഹ്മാന്റെ സാന്നിധ്യവും ചിത്രത്തിനുണ്ട്. മോഹന്‍ലാലിന് പുറമെ വിജയരാഘവന്‍, സായ്കുമാര്‍, സിദ്ധിഖ്, ജോണി ആന്റണി, നന്ദു, കോട്ടയം രമേശ്, ഇന്ദ്രന്‍സ്, കൊച്ചു പ്രേമന്‍, പ്രശാന്ത് അലക്‌സാണ്ടര്‍, ലുക്മാന്‍, ശ്രദ്ധാ ശ്രീനാഥ്, രചന നാരായണന്‍ കുട്ടി, സ്വാസിക, മാളവിക മേനോന്‍, നേഹ സക്‌സേന എന്നിവര്‍ അണിനിരക്കുന്ന വന്‍ താരനിര തന്നെ ചിത്രത്തിലുണ്ട്.
സൂപ്പർസ്റ്റാർ രജനികാന്തിന്റെ ബ്ലോക്ക്ബസ്റ്റർ ചിത്രം 'ജയിലർ'-ൽ മുത്തശ്ശന്റെ…
ബ്ലോക്ക്ബസ്റ്റർ ചിത്രം 'ജയിലർ 2'വിൽ മലയാളത്തിൽ നിന്ന്…
കോടികൾ മുടക്കി നിർമ്മിച്ച് തിയേറ്ററുകളിൽ വൻ പരാജയമായി…
പണം ഇന്‍വെസ്റ്റ് ചെയ്യാന്‍ പേടിയാണെന്നും സേവ് ചെയ്യാനാണ്…
പുതിയ അഭിമുഖത്തില്‍ തന്റെ ജീവിതത്തെക്കുറിച്ച് നടി മേഘ്‌ന…
ഭാര്യ സരിതയോടുള്ള തന്റെ വിശ്വസ്തതയെ കുറിച്ച് നടന്‍…