Pranav Mohanlal
ജനഹൃദയങ്ങള്‍ കീഴടക്കി വിനീത് ശ്രീനിവാസന്‍-പ്രണവ് മോഹന്‍ലാല്‍ ചിത്രം ഹൃദയം. തിയറ്ററുകളില്‍ വിജയകരമായി പ്രദര്‍ശനം തുടരുന്ന ഹൃദയം 50 കോടി ക്ലബില്‍ ഇടംപിടിച്ചതായാണ് വിവരം.
നാലാം വാരത്തിലേക്ക് പ്രദര്‍ശനം കടക്കുമ്പോഴാണ് ഹൃദയത്തിന്റെ സ്വപ്‌ന നേട്ടം. സിനിമയുടെ അണിയറ പ്രവര്‍ത്തകര്‍ ഇക്കാര്യം ഔദ്യോഗികമായി അറിയിച്ചിട്ടില്ല. 50 ക്ലബില്‍ ഇടംപിടിക്കുന്ന പ്രണവിന്റെ ആദ്യ സോളോ ചിത്രമാണ് ഹൃദയം.
തിരുവനന്തപുരം, കോട്ടയം, ഇടുക്കി, പത്തനംതിട്ട ജില്ലകളില്‍ ആദ്യം പ്രദര്‍ശനം ഇല്ലാഞ്ഞിട്ടും ഹൃദയം സിനിമയില്‍നിന്ന് ലാഭം നേടാന്‍ ആയെന്ന് നിര്‍മാതാവ് വിശാഖ് സുബ്രഹ്മണ്യം പറഞ്ഞിരുന്നു.
Vineeth and Pranav Mohanlal
ഹൃദയത്തിന്റെ ഒ.ടി.ടി. റിലീസ് ഉടന്‍ ഉണ്ടാകും. ഫെബ്രുവരി 18 ന് ഒ.ടി.ടി. പ്ലാറ്റ്‌ഫോമില്‍ റിലീസ് ചെയ്യുമെന്നാണ് വിവരം. ഹൃദയത്തിന്റെ സാറ്റലൈറ്റ് റൈറ്റ്സ് ഏഷ്യാനെറ്റും ഒടിടി റൈറ്റ്സ് ഡിസ്നിയും സ്വന്തമാക്കിക്കഴിഞ്ഞുവെന്ന് വിശാഖ് സുബ്രഹ്മണ്യം ഒരു അഭിമുഖത്തിനിടെ പറഞ്ഞു.
ഹൃദയം ഹിറ്റായതോടെ പ്രണവ് മോഹന്‍ലാലിന്റെ താരമൂല്യവും ഉയര്‍ന്നു. ഒരു സിനിമയില്‍ അഭിനയിക്കാന്‍ പ്രണവ് ഇപ്പോള്‍ രണ്ട് കോടി രൂപയാണ് പ്രതിഫലം വാങ്ങുന്നതെന്നാണ് വിവരം.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…