ഭീഷ്മ വരുന്നു; മാസ് ലുക്കില്‍ മമ്മൂട്ടി, ആരാധകര്‍ക്കുള്ള സര്‍പ്രൈസ് നാളെ

മമ്മൂട്ടിയുടെ മാസ് ചിത്രം ഭീഷ്മ പര്‍വ്വം മാര്‍ച്ച് മൂന്നിന് റിലീസ് ചെയ്യും. വേള്‍ഡ് വൈഡ് റിലീസാണ് പ്രഖ്യാപിച്ചിരിക്കുന്നത്.

സിനിമയുടെ ടീസര്‍ നാളെ വൈകിട്ട് ആറിന് റിലീസ് ചെയ്യും. സിനിമയുടെ അണിയറ പ്രവര്‍ത്തകരാണ് ഇക്കാര്യം അറിയിച്ചത്.

മമ്മൂട്ടിയുടെ മാസ് ആന്റ് സ്റ്റൈലിഷ് ലുക്കിലുള്ള പോസ്റ്ററും അണിയറ പ്രവര്‍ത്തകര്‍ പങ്കുവച്ചു. കലിപ്പ് ലുക്കില്‍ സിഗരറ്റുമായി ഇരിക്കുന്ന മമ്മൂട്ടിയുടെ പോസ്റ്ററാണ് അണിയറ പ്രവര്‍ത്തകര്‍ പുറത്തുവിട്ടിരിക്കുന്നത്.

അമല്‍ നീരദ് സംവിധാനം ചെയ്ത ഭീഷ്മ പര്‍വ്വത്തിനായി ആരാധകര്‍ വലിയ പ്രതീക്ഷയോടെയാണ് കാത്തിരിക്കുന്നത്. മൈക്കിള്‍ എന്നാണ് മമ്മൂട്ടി കഥാപാത്രത്തിന്റെ പേര്.