ഒ.ടി.ടി.യില്‍ റെക്കോര്‍ഡിട്ട് ബ്രോ ഡാഡി; നന്ദി പറഞ്ഞ് ലാലേട്ടന്‍

ഒ.ടി.ടി. പ്ലാറ്റ്‌ഫോമില്‍ റെക്കോര്‍ഡ് നേട്ടവുമായി ബ്രോ ഡാഡി. ഡിസ്‌നി ഹോട്ട്സ്റ്റാറില്‍ ഏറ്റവും വലിയ ഓപ്പണിങ് ആണ് ബ്രോ ഡാഡിയുടേതെന്ന് അണിയറ പ്രവര്‍ത്തകര്‍ അവകാശപ്പെട്ടു. എല്ലാ ഭാഷകളിലുമായ ഏറ്റവും ഉയര്‍ന്ന ഫസ്റ്റ് ഡേ സബ്‌സ്‌ക്രിപ്ഷന്‍, ആദ്യ ദിനം ഏറ്റവും ഉയര്‍ന്ന രണ്ടാമത്തെ വാച്ച്‌ടൈം ചിത്രം എന്നിങ്ങനെയാണ് ബ്രോ ഡാഡിയുടെ നേട്ടങ്ങള്‍. പ്രേക്ഷകര്‍ക്ക് മോഹന്‍ലാല്‍ നന്ദി പറഞ്ഞു.

പൃഥ്വിരാജ് സംവിധാനം ചെയ്ത ബ്രോ ഡാഡി മികച്ച പ്രേക്ഷക പ്രതികരണങ്ങളുമായി ഒ.ടി.ടി.യില്‍ മുന്നേറുകയാണ്. മോഹന്‍ലാലും പൃഥ്വിരാജും അച്ഛനും മകനുമായാണ് സിനിമയില്‍ അഭിനയിച്ചിരിക്കുന്നത്.

മീന, കല്ല്യാണി പ്രിയദര്‍ശന്‍, ലാലു അലക്‌സ്, കനിഹ തുടങ്ങി വന്‍ താരനിരയാണ് ബ്രോ ഡാഡിയില്‍ അണിനിരന്നിരിക്കുന്നത്.