Categories: Gossips

സിബിഐ അഞ്ചാം ഭാഗത്തിന്റെ കഥ അഭിനേതാക്കളോട് പോലും പറയാതെ എസ്.എന്‍.സ്വാമി; കാത്തിരിക്കുന്നത് വമ്പന്‍ ട്വിസ്റ്റ്

സിബിഐ അഞ്ചാം ഭാഗത്തിന്റെ ഷൂട്ടിങ് കൊച്ചിയില്‍ പുരോഗമിക്കുകയാണ്. എസ്.എന്‍.സ്വാമിയുടെ തിരക്കഥയില്‍ കെ.മധുവാണ് സിനിമ സംവിധാനം ചെയ്യുന്നത്. മുന്‍പ് ഇറങ്ങിയ നാല് ഭാഗങ്ങളും പോലെ പ്രേക്ഷകരെ ഞെട്ടിക്കുന്ന കഥയായിരിക്കും സിബിഐ അഞ്ചാം ഭാഗത്തിലെന്നാണ് പുറത്തുവരുന്ന റിപ്പോര്‍ട്ടുകള്‍.

സിബിഐ അഞ്ചാം പാര്‍ട്ടിന്റെ കഥയും ട്വിസ്റ്റുകളും സിനിമയില്‍ അഭിനയിക്കുന്ന താരങ്ങള്‍ക്ക് പോലും അറിയില്ലെന്നാണ് റിപ്പോര്‍ട്ട്. കഥയും ട്വിസ്റ്റുകളും തിരക്കഥാകൃത്തും സംവിധായകനും പറഞ്ഞിരിക്കുന്നത് മമ്മൂട്ടിയോട് മാത്രമാണ്. അതീവ രഹസ്യമായാണ് ഷൂട്ടിങ് നടക്കുന്നത് തന്നെ. സിനിമയുടെ അണിയറയില്‍ പ്രവര്‍ത്തിക്കുന്ന വളരെ ചുരുക്കം ചിലരോട് മാത്രമേ സിനിമയുടെ കഥ വെളിപ്പെടുത്തിയിട്ടുള്ളൂ എന്നാണ് വിവരം.

K Madhu, Mammootty, SN Swamy

അഞ്ചാം ഭാഗത്തില്‍ ശ്രദ്ധേയമായ വേഷം ചെയ്യുന്ന നടന്‍ സുദേവ് നായര്‍ സിനിമയുടെ വിശേഷങ്ങള്‍ പങ്കുവച്ചതാണ് ശ്രദ്ധേയമായിരിക്കുന്നത്. സിബിഐ അഞ്ചാം ഭാഗത്തില്‍ പൊലീസ് ഉദ്യോഗസ്ഥനായാണ് സുദേവ് നായര്‍ അഭിനയിക്കുന്നത്. താന്‍ ഉള്‍പ്പടെയുള്ള നടന്‍മാര്‍ക്ക് രംഗങ്ങള്‍ മാത്രമാണ് പറഞ്ഞു കൊടുക്കുന്നത് എന്നും അതിന് അനുസരിച്ച് അഭിനയിക്കുകയാണെന്നും അദ്ദേഹം പറയുന്നു. ടൈംസ് ഓഫ് ഇന്ത്യയ്ക്ക് നലകിയ അഭിമുഖത്തിലാണ് അദ്ദേഹം സിനിമയുടെ വിശേഷങ്ങള്‍ പങ്കുവെച്ചത്. ‘വളരെ രസകരമായ സെറ്റ് തന്നെയാണ്, എന്നാല്‍ കഥ എന്താണ് എന്നതിനെക്കുറിച്ച് അഭിനേതാക്കള്‍ക്ക് പോലും ഒരു സൂചനയും ഇല്ല. സീനുകളില്‍ എന്താണ് ചെയ്യേണ്ടത് എന്ന് ഞങ്ങളോട് പറയും, ഞങ്ങള്‍ അത് ചെയ്യും. ചില സമയങ്ങളില്‍, ശരിയുടെ പക്ഷത്താണെന്നും മറ്റ് ചില സമയങ്ങളില്‍, തെറ്റിന്റെ പക്ഷത്താണെന്നും തോന്നും!’, സുദേവ് നായര്‍ പറഞ്ഞു.

1988 ല്‍ പുറത്തിറങ്ങിയ ഒരു സിബിഐ ഡയറിക്കുറിപ്പിലൂടെയാണ് സേതുരാമയ്യര്‍ സിബിഐ എന്ന ഐക്കോണിക് കഥാപാത്രം ജനിക്കുന്നത്. 33 വര്‍ഷങ്ങള്‍ക്ക് ശേഷം സേതുരാമയ്യര്‍ എന്ന കഥാപാത്രം അഞ്ചാം തവണയും മലയാളി പ്രേക്ഷകര്‍ക്കിടയിലേക്ക് എത്തുകയാണ്. ആദ്യ ഭാഗങ്ങളില്‍ അഭിനയിച്ച മുകേഷ് അഞ്ചാം ഭാഗത്തിലും മമ്മൂട്ടിക്കൊപ്പമുണ്ടെന്നാണ് വിവരം. ആശാ ശരത്ത്, രമേഷ് പിഷാരടി, സായ്കുമാര്‍ എന്നിവര്‍ പ്രധാന വേഷങ്ങള്‍ അവതരിപ്പിക്കുന്നുണ്ട്. ലിജോ ജോസ് പെല്ലിശ്ശേരിയുടെ നന്‍പകല്‍ നേരത്ത് മയക്കമാണ് മമ്മൂട്ടി അവസാനമായി അഭിനയിച്ച സിനിമ.

അനില മൂര്‍ത്തി

Recent Posts

സാമന്തയുടെ പേരിലും ക്ഷേത്രം പണിയുന്നു; പിറന്നാള്‍ സമ്മാനം

തെന്നിന്ത്യന്‍ സിനിമ ലോകത്ത് ഇതിനോടകം തന്നെ ശക്തമായ…

31 seconds ago

സ്‌റ്റൈലിഷ് ചിത്രങ്ങളുമായി അപര്‍ണ തോമസ്

സ്‌റ്റൈലിഷ് ലുക്കില്‍ ആരാധകര്‍ക്കായി ചിത്രങ്ങള്‍ പങ്കുവെച്ച് അപര്‍ണ…

2 hours ago

ബ്രൈഡല്‍ ലുക്കുമായി വീണ്ടും അഹാന

ബ്രൈഡല്‍ ലുക്കില്‍ ആരാധകര്‍ക്കായി ചിത്രങ്ങള്‍ പങ്കുവെച്ച് അഹാന.…

2 hours ago

ഗ്ലാമറസ് പോസുമായി സ്വാസിക

ഗ്ലാമറസ് ലുക്കില്‍ ആരാധകര്‍ക്കായി ചിത്രങ്ങള്‍ പങ്കുവെച്ച് സ്വാസിക.…

2 hours ago

വെക്കേഷന്‍ ചിത്രങ്ങളുമായി മീര നന്ദന്‍

ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് മീര നന്ദന്‍.…

3 hours ago

മൊഞ്ചത്തിപ്പെണ്ണായി ഋതുമന്ത്ര

ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് ഋതുമന്ത്ര. ഇന്‍സ്റ്റഗ്രാമിലാണ്…

3 hours ago