താരസംഘടനയായ അമ്മയുടെ ജനറല് ബോഡി യോഗം ഞായറാഴ്ചയാണ് നടന്നത്. കൊച്ചിയില് നടന്ന താരസംഗമത്തില് രസകരമായ നിരവധി മുഹൂര്ത്തങ്ങള് ഉണ്ടായി. അതിലൊന്നാണ് രമേഷ് പിഷാരടിക്ക് ഓറഞ്ചിന്റെ അല്ലി വായില് വച്ച് കൊടുക്കുന്ന മോഹന്ലാലിന്റെ ചിത്രം.
ഫോര്ക്ക് കൊണ്ട് ഓറഞ്ചിന്റെ അല്ലി പിഷാരടിക്ക് നല്കുന്ന മോഹന്ലാലിനെയാണ് ചിത്രങ്ങളില് കാണുന്നത്. പിഷാരടി ഈ ചിത്രം ഇന്സ്റ്റഗ്രാമില് പങ്കുവച്ചിട്ടുണ്ട്. ഈ ചിത്രത്തിന് പിഷാരടി നല്കിയ ക്യാപ്ഷനാണ് ഇപ്പോള് ചര്ച്ചയായിരിക്കുന്നത്.
‘തദേവയുക്തം ഭൈഷജ്യം യദാരോഗ്യായ കല്പതേ..
സചൈവ ഭിഷജാം ശ്രഷ്ഠോ
രോഗേഭ്യോയഃ പ്രമോചയോല്’
എന്നതാണ് ചിത്രത്തിന്റെ ക്യാപ്ഷന്.
ഈ സംസ്കൃതം ശ്ലോകത്തിന്റെ അര്ത്ഥം ചോദിക്കുകയാണ് ഇപ്പോള് പലരും. ആളുകള്ക്ക് മനസിലാകുന്ന ഭാഷയില് ക്യാപ്ഷന് ഇടാമോ എന്ന് ചിലര് ചിത്രത്തിനു താഴെ ചോദിച്ചിരിക്കുന്നു. പിഷാരടി കുറച്ച് നേരം വായടച്ച് ഇരിക്കാനാണ് ലാലേട്ടന് ഓറഞ്ച് നല്കിയതെന്നായി വേറെ ചിലര്.
ഈ ചിത്രത്തിനു മറ്റൊരു പ്രത്യേകതയുണ്ട്. പിഷാരടിക്ക് മോഹന്ലാല് ഓറഞ്ച് നല്കുന്ന ചിത്രം പകര്ത്തിയിരിക്കുന്നത് സാക്ഷാല് മെഗാസ്റ്റാര് മമ്മൂട്ടിയാണ്.
മലയാളികള്ക്ക് ഏറെ പ്രിയങ്കരിയായ നടിയാണ് ഹണി റോസ്.…
കുഞ്ചാക്കോ ബോബന്, ഫഹദ് ഫാസില്, ജ്യോതിര്മയി എന്നിവരെ…
നടന്മാരായ മുകേഷ്, ജയസൂര്യ, ഇടവേള ബാബു ഉള്പ്പെടെ…
ആരാധകര് ഏറെ പ്രതീക്ഷയോടെ കാത്തുനില്ക്കുന്ന തെന്നിന്ത്യന് സൂപ്പര്…
ബോക്സ്ഓഫീസില് ഞെട്ടിക്കുന്ന കുതിപ്പുമായി കിഷ്കിന്ധാ കാണ്ഡം. റിലീസ്…