DQ
സൂപ്പര് ഹിറ്റായി തീര്ന്ന പാന് ഇന്ത്യന് സൂപ്പര്സ്റ്റാര് ദുല്ഖര് സല്മാന് ചിത്രം കുറുപ്പിന് രണ്ടാം ഭാഗം വരുമോ എന്ന് പ്രേക്ഷകര് ഏവരും ആകാംക്ഷയോടെ ഉറ്റുനോക്കുന്നുണ്ട്. ഇപ്പോഴിതാ ചിത്രത്തിന്റെ അണിയറപ്രവര്ത്തകര് അതിനുള്ള ഒരു സൂചന പങ്ക് വെച്ചിരിക്കുകയാണ്. അലക്സാണ്ടറെ പരിചയപ്പെടുത്തിക്കൊണ്ടുള്ള ഒരു മോഷന് പോസ്റ്ററാണ് ഇപ്പോള് പുറത്തു വന്നിരിക്കുന്നത്. ദുല്ഖര് സല്മാനാണ് മോഷന് പോസ്റ്റര് പുറത്തു വിട്ടത്. അന്പത് ശതമാനം പ്രവേശനാനുമതി മാത്രമുള്ളപ്പോഴും 80 കോടിയെന്ന അസുലഭ നേട്ടം കൈവരിച്ച കുറുപ്പ് അഞ്ചാം വാരത്തിലും വിജയകരമായി പ്രദര്ശനം തുടരുകയാണ്.
ദുല്ഖര് സല്മാന്റെ ആദ്യചിത്രമായ സെക്കന്ഡ് ഷോ ഒരുക്കിയ ശ്രീനാഥ് രാജേന്ദ്രന് സംവിധാനം നിര്വഹിച്ച കുറുപ്പ് ലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലാണ് പ്രേക്ഷകരിലേക്കെത്തിയത്. ദുല്ഖര് സല്മാന്റെ കരിയറിലെ ഏറ്റവും വലിയ റിലീസുകളില് ഒന്നായിത്തീര്ന്നിരിക്കുകയാണ് കുറുപ്പ്. ഓണ്ലൈന് പ്ലാറ്റ്ഫോമില് റിലീസ് ചെയ്യുവാന് റെക്കോര്ഡ് തുകയുടെ ഓഫറാണ് ചിത്രത്തിന് ലഭിച്ചത്. എങ്കിലും ആ ഓഫറുകളെ അവഗണിച്ച് ചിത്രം തീയറ്ററുകളില് തന്നെ പ്രദര്ശനത്തിന് എത്തിക്കുവാനുള്ള ശ്രമത്തിന് ഇപ്പോള് വമ്പന് വിജയം കുറിച്ചിരിക്കുകയാണ്.
Kurup – Dulquer Salmaan
ദുല്ഖറിന്റെ കരിയറിലെ തന്നെ ഏറ്റവും വലിയ ബഡ്ജറ്റില് ഒരുങ്ങുന്ന ചിത്രത്തിന്റെ മുടക്കുമുതല് 35 കോടിയാണ്. ദുല്ഖര് സല്മാന്റെ ഉടമസ്ഥതയിലുള്ള വേഫറെര് ഫിലിംസും എം സ്റ്റാര് എന്റര്ടൈന്മെന്റ്സും ചേര്ന്നാണ്. ജിതിന് കെ ജോസ് കഥ ഒരുക്കിയിരിക്കുന്ന ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് ഡാനിയേല് സായൂജ് നായരും കെ എസ് അരവിന്ദും ചേര്ന്നാണ്. നിമിഷ് രവി ഛായാഗ്രഹണവും സുഷിന് ശ്യാം സംഗീത സംവിധാനവും നിര്വഹിക്കുന്നു. ക്രീയേറ്റീവ് ഡയറക്ടറായി വിനി വിശ്വ ലാലും കുറുപ്പിന് പിന്നിലുണ്ട്. കമ്മാരസംഭവത്തിലൂടെ മികച്ച പ്രൊഡക്ഷന് ഡിസൈനുള്ള ദേശീയ അവാര്ഡ് കരസ്ഥമാക്കിയ ബംഗ്ലാനാണ് ചിത്രത്തിന്റെ പ്രൊഡക്ഷന് ഡിസൈനര്. മറ്റൊരു ദേശീയ അവാര്ഡ് ജേതാവായ വിവേക് ഹര്ഷനാണ് എഡിറ്റിംഗ് നിര്വഹിക്കുന്നത്.
മൂത്തോന് എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച ശോഭിത ധുലിപാലയാണ് ചിത്രത്തിലെ നായിക. ഇവരെ കൂടാതെ ഇന്ദ്രജിത് സുകുമാരന്, സണ്ണി വെയ്ന്, ഷൈന് ടോം ചാക്കോ, വിജയരാഘവന്, പി ബാലചന്ദ്രന്, സുരഭി ലക്ഷ്മി, ശിവജിത് പദ്മനാഭന് തുടങ്ങിയവരും ചിത്രത്തില് അഭിനയിക്കുന്നുണ്ട്. ചീഫ് അസ്സോസിയേറ്റ് ഡയറക്ടര് – പ്രവീണ് ചന്ദ്രന്, സൗണ്ട് ഡിസൈന് – വിഘ്നേഷ് കിഷന് രജീഷ്, മേക്കപ്പ് – റോനെക്സ് സേവ്യര്, കോസ്റ്റ്യൂംസ് – പ്രവീണ് വര്മ്മ, പ്രൊഡക്ഷന് കണ്ട്രോളര് – ദീപക് പരമേശ്വരന്, പി ആര് ഒ – ആതിര ദില്ജിത്, സ്റ്റില്സ് – ഷുഹൈബ് SBK, പോസ്റ്റര് ഡിസൈന് – ആനന്ദ് രാജേന്ദ്രന് & എസ്തെറ്റിക് കുഞ്ഞമ്മ.
ഇന്ത്യന് ചലച്ചിത്ര സംഗീതത്തെ സമ്പന്നമാക്കിയ ഗായികയാണ് എസ്.…
ദക്ഷിണേന്ത്യന് സംഗീതലോകത്തിന്റെ വാനമ്പാടിയായ എസ്. ജാനകിയുടെ വിയോഗത്തില്…
ചിലര് തന്റെ മകനെ തട്ടിയെടുക്കാന് ശ്രമിക്കുന്നതായി രേണു…
നടന് കൃഷ്ണ കുമാറിന്റെ വീട്ടിലെ സംഭവങ്ങളാണ് കഴിഞ്ഞ…
ആഭ്യന്തര മന്ത്രി രമേശ് ചെന്നിത്തലയ്ക്ക് മറുപടിയുമായി നടി…