‘ഹൗ ഓള്‍ഡ് ആര്‍ യൂ’വില്‍ നായികയാകേണ്ടിയിരുന്നത് ശാലിനി; പിന്നീട് മഞ്ജു വാര്യര്‍ എത്തി

ബോബി-സഞ്ജയ് കൂട്ടുകെട്ടില്‍ പിറന്ന തിരക്കഥയും റോഷന്‍ ആന്‍ഡ്രൂസിന്റെ സംവിധാനവും കൊണ്ട് ശ്രദ്ധിക്കപ്പെട്ട സിനിമയാണ് ‘ഹൗ ഓള്‍ഡ് ആര്‍ യൂ’. ഈ സിനിമയിലൂടെ മഞ്ജു വാര്യര്‍ നടത്തിയ തിരിച്ചുവരവും ഏറെ ശ്രദ്ധിക്കപ്പെട്ടു. കുഞ്ചാക്കോ ബോബന്‍ ആണ് സിനിമയില്‍ മഞ്ജുവിന്റെ നായികയായി എത്തിയത്. തിയറ്ററുകളില്‍ സിനിമ വന്‍ വിജയമായിരുന്നു.

മഞ്ജു വാര്യര്‍ക്ക് മുന്‍പ് ഹൗ ഓള്‍ഡ് ആര്‍ യൂവിലേക്ക് നായികയായി പരിഗണിച്ചത് ശാലിനിയെ ആയിരുന്നെന്ന് കുഞ്ചാക്കോ ബോബന്‍ പറയുന്നു. പ്രമുഖ മാധ്യമത്തിനു നല്‍കിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്.

മഞ്ജുവിന് മുന്നേ ചിത്രത്തിലേക്ക് വേറെ നായികമാരെ ആലോചിച്ചിരുന്നു. ആദ്യം നായികാ പ്രാധാന്യമുള്ള കഥയായിരുന്നില്ല. ശാലിനിയെ വെച്ച് സിനിമ ചെയ്യാന്‍ ആലോചന നടന്നിരുന്നു. അപ്പോഴാണ് മഞ്ജു തിരിച്ചുവരാന്‍ തീരുമാനിച്ചതായി അറിയുന്നത്. അങ്ങനെയാണ് സിനിമയുടെ കഥയില്‍ അടക്കം മാറ്റം വരുത്തി ഹൗ ഓള്‍ഡ് ആര്‍ യൂവിലേക്ക് മഞ്ജു വാര്യരെ നായികയായി തീരുമാനിച്ചതെന്നും കുഞ്ചാക്കോ ബോബന്‍ പറയുന്നു.