Katrina Kaif and Vicky Kaushal
ഹണിമൂണ് തല്ക്കാലം വേണ്ടെന്നുവെച്ച് ഇന്നലെ വിവാഹിതരായ ബോളിവുഡ് താരങ്ങള് കത്രീന കൈഫും വിക്കി കൗശലും. നേരത്തെ ഏറ്റെടുത്ത ജോലികള് പറഞ്ഞ സമയത്തിനു തീര്ക്കാനാണ് ഹണിമൂണ് ഒഴിവാക്കിയിരിക്കുന്നത്. വിവാഹ തിരക്കുകള് കഴിഞ്ഞ് സിനിമാ തിരക്കുകളിലേക്ക് ശ്രദ്ധ കേന്ദ്രീകരിക്കാനാണ് താരങ്ങളുടെ തീരുമാനം.
വിവാഹശേഷം ഇരുവരും മാലിദ്വീപിലേക്ക് പോകുമെന്ന് നേരത്തെ വാര്ത്തകളുണ്ടായിരുന്നു. എന്നാല്, ഇപ്പോള് ലഭിക്കുന്ന ഏറ്റവും പുതിയ വിവരമനുസരിച്ച് ഇരുവരും മാലിദ്വീപ് യാത്ര ഒഴിവാക്കി. വിവാഹം നടന്ന സവായ് മധോപൂരിലെ സിക്സ് സെന്സസ് ഫോര്ട്ട് ബര്വാര റിസോര്ട്ടില് തന്നെ തുടരാനാണ് താരങ്ങളുടെ തീരുമാനം. ഡിസംബര് 12 വരെ താരങ്ങള് റിസോര്ട്ടില് ഹണിമൂണ് ആഘോഷിക്കും. ഡിസംബര് 12 ന് ഇരുവരും ഒരുമിച്ച് മുംബൈയിലേക്ക് പറക്കും. ഡിസംബര് 13 മുതല് സിനിമാ തിരക്കുകളില് വീണ്ടും സജീവമാകാനാണ് ഇരു താരങ്ങളുടേയും തീരുമാനം.
Katrina Kaif and Vicky Kaushal
സിക്സ് സെന്സസ് ഫോര്ട്ട് ബര്വാരയില് വച്ച് ഇന്നലെയാണ് ഇരുവരും വിവാഹിതരായത്. വളരെ അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തില് പങ്കെടുത്തത്. പരമ്പരാഗത പഞ്ചാബി സ്റ്റൈലിലായിരുന്നു വിവാഹം. തങ്ങളുടെ വിവാഹ ചിത്രങ്ങള് താരങ്ങള് തന്നെ സോഷ്യല് മീഡിയയില് പങ്കുവച്ചു.
വിവാഹശേഷം രാത്രിയോടെയാണ് കത്രീന കൈഫും വിക്കി കൗശലും തങ്ങളുടെ വിവാഹ ചിത്രങ്ങള് ആരാധകര്ക്കായി പങ്കുവച്ചത്. ചുവപ്പ് ലെഹങ്കയില് അതീവ സുന്ദരിയായാണ് കത്രീനയെ വിവാഹ ചിത്രത്തില് കാണുന്നത്. വെള്ള ഔട്ട്ഫിറ്റാണ് വിക്കി ധരിച്ചിരിക്കുന്നത്. തങ്ങള് ഒരുമിച്ച് ആരംഭിക്കുന്ന പുതിയ യാത്രയ്ക്ക് എല്ലാവരുടേയും സ്നേഹവും അനുഗ്രഹവും താരങ്ങള് ആവശ്യപ്പെട്ടു.
മലയാള സിനിമയിലും ടെലിവിഷൻ രംഗത്തും ശ്രദ്ധ നേടിയ…
'ആലപ്പുഴ ജിംഖാന'യിലൂടെ ശ്രദ്ധ നേടിയ നടി അനഘ…
മലയാള സിനിമയുടെ എക്കാലത്തെയും മികച്ച ക്ലാസിക്കുകളില് ഒന്നാണ്…
ബോളിവുഡില് നിന്ന് തനിക്ക് അവസരങ്ങള് വന്നിരുന്നുവെന്നും എന്നാല്…
തന്റെ മക്കള്ക്കെതിരെ സോഷ്യല് മീഡിയയിലൂടെ നിരന്തരം അധിക്ഷേപം…