Mohanlal
സൂപ്പര്‍സ്റ്റാര്‍ മോഹന്‍ലാലിന്റെ മൂന്ന് പ്രധാന സിനിമകള്‍ ഒ.ടി.ടി. പ്ലാറ്റ്ഫോമില് റിലീസ് ചെയ്യും. എലോണ്‍, ബ്രോ ഡാഡി, 12th മാന്‍ എന്നീ സിനിമകളാണ് ഓണ്‍ലൈന്‍ പ്ലാറ്റ്ഫോമില് റിലീസ് ചെയ്യാന്‍ ഒരുങ്ങുന്നത്. വമ്പന്‍ ഓഫറുകളാണ് ഈ സിനിമയ്ക്ക് ഒ.ടി.ടി. പ്ലാറ്റ്ഫോമില് നിന്ന് ലഭിച്ചിരിക്കുന്നതെന്നാണ് റിപ്പോര്‍ട്ടുകള്‍. മലയാള സിനിമ ഒ.ടി.ടി. പ്ലാറ്റ്ഫോമില് കൂടുതല്‍ ശ്രദ്ധിക്കപ്പെടാന്‍ വേണ്ടിയാണ് മൂന്ന് പ്രധാന സിനിമകള്‍ ഒ.ടി.ടി. പ്ലാറ്റ്ഫോമില് തന്നെ റിലീസ് ചെയ്യിപ്പിക്കാന്‍ മോഹന്‍ലാല്‍ ആലോചിക്കുന്നത്.
പൃഥ്വിരാജ് സംവിധാനം ചെയ്യുന്ന സിനിമയാണ് ബ്രോ ഡാഡി. മുഴുനീള കുടുംബ ചിത്രമായതിനാല്‍ ബ്രോ ഡാഡി തിയറ്ററുകളിലെത്തിക്കാന്‍ നേരത്തെ ആലോചന നടന്നിരുന്നു. എന്നാല്‍, ‘ബ്രോ ഡാഡി’ തിയറ്റര്‍ റിലീസിന് ഇല്ലെന്ന് ഉറപ്പായി. സിനിമ ഒ.ടി.ടി. പ്ലാറ്റ്ഫോമില് തന്നെ റിലീസ് ചെയ്യുമെന്നാണ് വിവരം. ലൂസിഫറിന് ശേഷം പൃഥ്വിരാജ് സംവിധാനം ചെയ്യുന്ന സിനിമയാണ് ‘ബ്രോ ഡാഡി’. നിര്‍മാതാവ് ആന്റണി പെരുമ്പാവൂര്‍ സിനിമയുടെ ഒ.ടി.ടി. റിലീസിനായുള്ള ഒരുക്കങ്ങള്‍ ആരംഭിച്ചതായാണ് സൂചന. ആശിര്‍വാദ് സിനിമാസ് ആണ് വിതരണ കമ്പനി.
Mohanlal
മോഹന്‍ലാലും പൃഥ്വിരാജും സഹോദരങ്ങളായി അഭിനയിക്കുന്ന സിനിമയാണ് ബ്രോ ഡാഡി. ജോണ്‍ കാറ്റാടി എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. ജോണ്‍ കാറ്റാടിയുടെ സഹോദരന്‍ ഈശോ കാറ്റാടിയായി പൃഥ്വിരാജ് എത്തും. ഉണ്ണി മുകുന്ദന്‍, മീന, കല്യാണി പ്രിയദര്‍ശന്‍, ലാലു അലക്സ്, മുരളി ഗോപി, കനിഹ എന്നിവര്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
ജീത്തു ജോസഫ് സംവിധാനം ചെയ്യുന്ന 12th മാന്‍ ഒരു ത്രില്ലര്‍ ചിത്രമാണ്. ദൃശ്യത്തിന്റെ വിജയത്തിനു ശേഷം ജീത്തു ജോസഫും മോഹന്‍ലാലും ഒന്നിക്കുന്ന സിനിമയായതിനാല്‍ ഒ.ടി.ടി. പ്ലാറ്റ്ഫോമില് വലിയ രീതിയില്‍ പണം കൊയ്യാമെന്നാണ് പ്രതീക്ഷ. മോഹന്‍ലാല്‍ മാത്രം കഥാപാത്രമായി എത്തുന്ന സിനിമയാണ് എലോണ്‍. ഷാജി കൈലാസ് ആണ് സംവിധാനം.
മലയാളികള്‍ക്ക് ഏറെ പ്രിയങ്കരിയായ നടിയാണ് ഹണി റോസ്.…
കുഞ്ചാക്കോ ബോബന്‍, ഫഹദ് ഫാസില്‍, ജ്യോതിര്‍മയി എന്നിവരെ…
നടന്മാരായ മുകേഷ്, ജയസൂര്യ, ഇടവേള ബാബു ഉള്‍പ്പെടെ…
ആരാധകര്‍ ഏറെ പ്രതീക്ഷയോടെ കാത്തുനില്‍ക്കുന്ന തെന്നിന്ത്യന്‍ സൂപ്പര്‍…
ബോക്സ്ഓഫീസില്‍ ഞെട്ടിക്കുന്ന കുതിപ്പുമായി കിഷ്‌കിന്ധാ കാണ്ഡം. റിലീസ്…