Churuli Film
ലിജോ ജോസ് പെല്ലിശ്ശേരി സംവിധാനം ചെയ്ത് അന്താരാഷ്ട്ര ശ്രദ്ധ ആകര്‍ഷിച്ച സിനിമയാണ് ചുരുളി. ഓ.ടി.ടി. പ്ലാറ്റ്‌ഫോമില്‍ റിലീസ് ചെയ്ത സിനിമ മലയാളികള്‍ക്കിടയില്‍ വലിയ ചര്‍ച്ചയായി. സിനിമയിലെ തെറി വിളി വന്‍ വിവാദമാകുകയും ചെയ്തു. മലയാളികളുടെ സംസ്‌കാരത്തിനു ചേരുന്നതല്ല ചുരുളിയിലെ ഭാഷാപ്രയോഗമെന്ന് പലരും വിമര്‍ശിച്ചിരുന്നു. എന്നാല്‍, ആ തെറി വിളികളെല്ലാം സിനിമ ആവശ്യപ്പെടുന്നതാണെന്നാണ് ചുരുളിയില്‍ ശ്രദ്ധേയമായ വേഷം അവതരിപ്പിച്ച ചെമ്പന്‍ വിനോദ് ജോസ് പറയുന്നത്.
ചുരുളിയിലെ തെറികള്‍ക്ക് പ്രശ്‌നമൊന്നും ഇല്ല. ഇംഗ്ലീഷ് സിനിമകളില്‍ ഇതിനും വലിയ തെറികളാണ് പറയുന്നത്. ഞാന്‍ ചില ഇംഗ്ലീഷ് സിനിമകളിലെ തെറികള്‍ മലയാളത്തില്‍ ആക്കി നോക്കി. ഇതിലുള്ളതിനേക്കാള്‍ വലിയ തെറികളാണ് അതൊക്കെ. ഇംഗ്ലീഷ് സിനിമകളിലെ തെറികളൊന്നും ആര്‍ക്കും കുഴപ്പമില്ല. ഇപ്പോള്‍ ഉണ്ടാക്കിയിരിക്കുന്നത് അനാവശ്യ വിവാദമാണെന്നും ചെമ്പന്‍ പറയുന്നു.
Chemban Vinod Jose
എസ്.ഹരീഷിന്റെ തിരക്കഥയില്‍ ലിജോ ജോസ് പെല്ലിശ്ശേരി സംവിധാനം ചെയ്ത ചുരുളി മലയാളത്തില്‍ ഇതുവരെ ഇറങ്ങാത്ത ഴോണറിലുള്ള സിനിമയാണ്. ലിജോ ജോസ് പെല്ലിശ്ശേരിയും ചെമ്പന്‍ വിനോദും ചേര്‍ന്നാണ് സിനിമ നിര്‍മിച്ചിരിക്കുന്നത്. ചെമ്പന്‍ വിനോദിനെ കൂടാതെ വിനയ് ഫോര്‍ട്ട്, ജോജു ജോര്‍ജ്ജ്, ജാഫര്‍ ഇടുക്കി, ലുക്ക്മാന്‍ തുടങ്ങി വന്‍ താരനിര സിനിമയില്‍ അഭിനയിച്ചിട്ടുണ്ട്.
ഭീമന്റെ വഴിയാണ് ചെമ്പന്‍ വിനോദിന്റെ പുതിയ സിനിമ. കുഞ്ചാക്കോ ബാബന്‍ നായകനായ ഭീമന്റെ വഴിയില്‍ ശ്രദ്ധേയമായ വേഷമാണ് ചെമ്പന്‍ വിനോദിനുള്ളത്. ചെമ്പന്‍ തന്നെയാണ് സിനിമയുടെ തിരക്കഥ. അങ്കമാലി ഡയറീസിന് ശേഷം ചെമ്പന്‍ എഴുതുന്ന തിരക്കഥ കൂടിയാണ് ഇത്.
മസ്കുലാർ ഡിസ്ട്രോഫി എന്ന ഗുരുതരമായ രോഗാവസ്ഥയോട് പോരാടുന്ന…
പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന പുതിയ ക്യാമ്പസ്…
ബ്ലോക്ക്ബസ്റ്റർ തമിഴ് ചലച്ചിത്രം 'ജയിലറി'ൽ തിയേറ്ററുകളെ ആവേശത്തിലാഴ്ത്തിയ…
'കക്ഷി അമ്മിണിപ്പിള്ള' എന്ന ചിത്രത്തിലൂടെ മലയാള സിനിമയിലേക്ക്…
സ്തനാര്‍ബുദത്തോടുള്ള പോരാട്ടത്തിനിടയിലും ആത്മവിശ്വാസത്തോടെ ജീവിതത്തിലേക്ക് തിരിച്ചെത്തുകയാണ് ബോളിവുഡ്…
സിനിമയ്ക്കപ്പുറം സ്വന്തം ഇടം കണ്ടെത്താനുള്ള യാത്രയിലാണ് സാമന്ത…