എമ്പുരാന്‍ ലോ ബജറ്റ് സിനിമ, ദുല്‍ക്കര്‍ അഭിനയിക്കുന്നുണ്ടോ എന്ന് ‘സിനിമ ഇറങ്ങുമ്പോള്‍ അറിയാം’
ലൂസിഫര്‍ ഇറങ്ങുന്നതിന് മുമ്പ് സംവിധായകന്‍ പൃഥ്വിരാജ് എല്ലാവരോടും പറഞ്ഞത് അതൊരു ചെറിയ സിനിമയാണെന്നാണ്.
അതുകൊണ്ടുതന്നെ, ലൂസിഫറിന്‍റെ രണ്ടാം ഭാഗമായ എമ്പുരാനും ഒരു വമ്പന്‍ ക്യാന്‍‌വാസ് സിനിമയായിരിക്കുമെന്നാണ് പ്രതീക്ഷിക്കേണ്ടത്.
എന്നാല്‍, പൃഥ്വിരാജ് പറയുന്നത്, എമ്പുരാന്‍ ഒരു ലോ ബജറ്റ് സിനിമയായിരിക്കുമെന്നാണ്
എന്നാല്‍ എമ്പുരാനെ സംബന്ധിച്ച് ഒട്ടേറെ അഭ്യൂഹങ്ങള്‍ എയറില്‍ പരക്കുന്നുണ്ട്. അതില്‍ ഒന്ന്, ചിത്രത്തില്‍ ദുല്‍ക്കര്‍ സല്‍മാന്‍ ഒരു നിര്‍ണായക കഥാപാത്രത്തെ അവതരിപ്പിക്കും എന്നാണ്.
അതേക്കുറിച്ചും പൃഥ്വിരാജ് പറയുന്നത് ‘ദുല്‍ക്കര്‍ അഭിനയിക്കുന്നുണ്ടോ എന്ന് എമ്പുരാന്‍ ഇറങ്ങുമ്പോള്‍ കാണാമല്ലോ’ എന്നാണ്.
എമ്പുരാന്‍റെ ഷൂട്ടിംഗ് 2023ല്‍ ആരംഭിക്കാനാണ് പൃഥ്വിരാജ് ലക്‍ഷ്യമിടുന്നത്.
അതിനുമുമ്പ് ‘ആടുജീവിതം’ എന്ന വമ്പന്‍ സിനിമ രാജുവിന് പൂര്‍ത്തിയാക്കേണ്ടതായിട്ടുണ്ട്.