latest news
ബിജുചേട്ടന് ഭയങ്കര ജാഡയാണെന്ന് കരുതി; സംയുക്ത വര്‍മ്മ
മലയാള സിനിമയില്‍ തിളങ്ങിനിന്ന താരമാണ് സംയുക്ത വര്‍മ്മ. ഒരുപിടി നല്ല സിനിമകളുടെ ഭാഗമാകാന്‍ താരത്തിന് സാധിച്ചിട്ടുണ്ട്. സോഷ്യല്‍ മീഡിയയില്‍ അത്ര സജീവമല്ലെങ്കിലും താരം ഇടയ്ക്ക് ആരാധകര്‍ക്കായി ചിത്രങ്ങള്‍ പങ്കുവെക്കാറുണ്ട്. യോഗആഭ്യാസങ്ങളിലൂടെയും സംയുക്ത ആരാധകരെ ഞെട്ടിച്ചിരുന്നു.
ജയറാം നായകനായ വീണ്ടും ചില വീട്ടുകാര്യങ്ങള്‍ എന്ന ചിത്രത്തിലൂടെയാണ് വെള്ളിത്തിരയില്‍ സംയുക്ത എത്തിയത്. 18 ചിത്രങ്ങളില്‍ അഭിനയിച്ചു. കൂടുതല്‍ ചിത്രങ്ങളിലും സുരേഷ് ഗോപിയായിരുന്നു നായകന്‍. മിക്ക ചിത്രങ്ങളും ഹിറ്റ് ചാര്‍ട്ടില്‍ ഇടം നേടി.
ഇപ്പോള്‍ ബിജു മേനോനെക്കുറിച്ചാണ് താരം സംസംരിക്കുന്നത്. ബിജുവേട്ടന്‍ സിനിമയില്‍ വന്നു കഴിഞ്ഞ്, പ്രണയവര്‍ണ്ണങ്ങള്‍ ഒക്കെ റിലീസ് ആയ സമയത്ത്, കോളേജിലെ ആര്‍ട്‌സ് ഫെസ്റ്റിവല്‍ നടക്കുമ്പോള്‍, അതിന് ക്ഷണിക്കാന്‍ വേണ്ടി ഞാന്‍ വിളിച്ചിരുന്നു. അപ്പോള്‍ ‘വരാന്‍ പറ്റില്ല’ എന്നാണ് അദ്ദേഹം പറഞ്ഞത്. അപ്പോള്‍ ഞാന്‍ വിചാരിച്ചു, ഇയാള്‍ക്ക് ഭയങ്കര ജാടയാണല്ലോ എന്ന്. അന്ന് ഞാന്‍ എന്റെ ഫ്രണ്ട്‌സിനോടും, മറ്റുള്ളവരോടും ഒക്കെ പറഞ്ഞു, ‘എന്തൊരു ജാഡയാണ് ഈ ബിജു മേനോന്,’ എന്നൊക്കെ. അന്ന് ഞാന്‍ ഇങ്ങനെയൊക്കെ പറഞ്ഞ് ഭയങ്കരമായി ക്രിട്ടിസൈസ് ചെയ്തിരുന്നു,’ സംയുക്ത വര്‍മ്മ വെളിപ്പെടുത്തി.
