Gossips
എമ്പുരാന്‍ ലോ ബജറ്റ് സിനിമ, ദുല്‍ക്കര്‍ അഭിനയിക്കുന്നുണ്ടോ എന്ന് ‘സിനിമ ഇറങ്ങുമ്പോള്‍ അറിയാം’ !
ലൂസിഫര്‍ ഇറങ്ങുന്നതിന് മുമ്പ് സംവിധായകന്‍ പൃഥ്വിരാജ് എല്ലാവരോടും പറഞ്ഞത് അതൊരു ചെറിയ സിനിമയാണെന്നാണ്. എന്നാല്‍ ആ സിനിമയുടെ വലുപ്പം ഏവരെയും മോഹിപ്പിച്ചു എന്നത് പിന്നീട് നടന്ന യാഥാര്‍ത്ഥ്യം. അതുകൊണ്ടുതന്നെ, ലൂസിഫറിന്‍റെ രണ്ടാം ഭാഗമായ എമ്പുരാനും ഒരു വമ്പന്‍ ക്യാന്‍‌വാസ് സിനിമയായിരിക്കുമെന്നാണ് പ്രതീക്ഷിക്കേണ്ടത്.
എന്നാല്‍, പൃഥ്വിരാജ് പറയുന്നത്, എമ്പുരാന്‍ ഒരു ലോ ബജറ്റ് സിനിമയായിരിക്കുമെന്നാണ്. ശരിക്കും ആ സിനിമ ചെറുതായതുകൊണ്ടാണ് ‘ചെറിയ സിനിമ’ എന്ന് പറയുന്നത് എന്നാണ് രാജു വ്യക്‍തമാക്കുന്നത്.
എന്നാല്‍ എമ്പുരാനെ സംബന്ധിച്ച് ഒട്ടേറെ അഭ്യൂഹങ്ങള്‍ എയറില്‍ പരക്കുന്നുണ്ട്. അതില്‍ ഒന്ന്, ചിത്രത്തില്‍ ദുല്‍ക്കര്‍ സല്‍മാന്‍ ഒരു നിര്‍ണായക കഥാപാത്രത്തെ അവതരിപ്പിക്കും എന്നാണ്. അതേക്കുറിച്ചും പൃഥ്വിരാജ് പറയുന്നത് ‘ദുല്‍ക്കര്‍ അഭിനയിക്കുന്നുണ്ടോ എന്ന് എമ്പുരാന്‍ ഇറങ്ങുമ്പോള്‍ കാണാമല്ലോ’ എന്നാണ്.
Prithviraj
എമ്പുരാന്‍റെ ഷൂട്ടിംഗ് 2023ല്‍ ആരംഭിക്കാനാണ് പൃഥ്വിരാജ് ലക്‍ഷ്യമിടുന്നത്. അതിനുമുമ്പ് ‘ആടുജീവിതം’ എന്ന വമ്പന്‍ സിനിമ രാജുവിന് പൂര്‍ത്തിയാക്കേണ്ടതായിട്ടുണ്ട്.
‘കഴിഞ്ഞ കുറച്ചുവര്‍ഷങ്ങളായി ആടുജീവിതം എന്ന സിനിമയെ ചുറ്റിപ്പറ്റിയാണ് എന്‍റെ വ്യക്‍തിജീവിതവും പ്രൊഫഷണല്‍ ജീവിതവും ഡിസൈന്‍ ചെയ്യപ്പെടുന്നത്” – പൃഥ്വിരാജ് വ്യക്‍തമാക്കുന്നു.
