Uncategorized
മഞ്ജു വാര്യര്‍ എന്തുകൊണ്ട് ഡബ്ല്യുസിസിയില്‍ സജീവമല്ല; മറുപടി നല്‍കാതെ പാര്‍വതി
ആരാധകര്‍ക്ക് ഏറെ പ്രിയങ്കരിയായ നടിയാണ് പാര്‍വതി തിരുവോത്ത്. സോഷ്യല്‍ മീഡിയയില്‍ സജീവമായ താരം എന്നും ആരാധകര്‍ക്കായി ചിത്രങ്ങള്‍ പങ്കുവെക്കാറുണ്ട്. അതു മാത്രമല്ല പലപ്പോഴും നിലപാടുകള്‍ കൊണ്ടും താരം എന്നും വാര്‍ത്തകളില്‍ നിറയാറുണ്ട്.
2006ല്‍ ഔട്ട് ഓഫ് എന്ന ചലച്ചിത്രത്തിലൂടെയാണു പാര്‍വ്വതി അഭിനയരംഗത്തെത്തുന്നത്. നോട്ട്ബുക്ക്, സിറ്റി ഓഫ് ഗോഡ്, മരിയാന്‍, ബാംഗ്ലൂര്‍ ഡെയ്‌സ്, എന്ന് നിന്റെ മൊയ്തീന്‍, ചാര്‍ലി ( 2015) ടേക്ക് ഓഫ് എന്നീ ചലച്ചിത്രങ്ങളില്‍ പാര്‍വ്വതി ശക്തമായ കഥാപാത്രങ്ങളെയാണ് അവതരിപ്പിച്ചത്.
പാര്‍വതി ഡബ്യൂസിസിയില്‍ സജീവ അംഗമാണ്. എന്നാല്‍ മഞ്ജു വാര്യര്‍, വിധു വിന്‍സെന്റ് തുടങ്ങിയ മുന്‍ അംഗങ്ങള്‍ ഡബ്ല്യുസിസിയില്‍ സജീവമല്ലാത്തതിന് കാരണം എന്തെന്ന ചോദ്യത്തിന് മറുപടി നല്‍കാന്‍ താരം തയ്യാറാകുന്നില്ല. നിങ്ങള്‍ അവരോട് സംസാരിക്കണം. ഞാനല്ല അത് സംസാരിക്കേണ്ട ആള്‍. ഈ ചോദ്യങ്ങള്‍ക്ക് ഞാന്‍ മറുപടി പറയേണ്ടി വരുന്നത് ന്യായമല്ല എന്നാണ് താരം പറയുന്നത്.
