Gossips
നടി സ്വാസികയ്‌ക്കെതിരെ പൊലീസ് കേസ്
Published on
യുട്യൂബ് ചാനലിലൂടെ സ്ത്രീത്വത്തെ അപമാനിച്ചെന്ന പരാതിയില്‍ സിനിമാ താരങ്ങള്‍ക്കെതിരെ കേസ്. നടിമാരായ സ്വാസിക, ബീന ആന്റണി, ബീന ആന്റണിയുടെ ഭര്‍ത്താവും നടനുമായ മനോജ് എന്നിവര്‍ക്കെതിരേയാണ് പൊലീസ് കേസെടുത്തത്. ആലുവ സ്വദേശിനിയായ നടിയുടെ പരാതിയില്‍ നെടുമ്പാശേരി പൊലീസാണ് കേസെടുത്തത്.
താരങ്ങളായ ഇവര്‍ തനിക്കെതിരേ ആരോപണം ഉന്നയിക്കുന്നതിന് പിന്നില്‍ ഗൂഢാലോചനയുണ്ടെന്നും നടന്മാര്‍ക്കെതിരേ നല്‍കിയിട്ടുളള പീഡന പരാതികളുടെ വിശ്വാസ്യത തകര്‍ക്കുന്നതിന് വേണ്ടി ചെയ്യുന്നതാണെന്നും പരാതി നല്‍കിയ നടി പ്രതികരിച്ചു. കേസില്‍ നടി സ്വാസികയാണ് ഒന്നാം പ്രതി. ബീന ആന്റണി രണ്ടാം പ്രതിയും മനോജ് മൂന്നാം പ്രതിയുമാണ്.
നടന്‍മാരായ മുകേഷ്, ജയസൂര്യ, മണിയന്‍പിള്ള രാജു എന്നിവര്‍ക്കെതിരെ ലൈംഗിക പരാതി നല്‍കിയ നടിയാണ് സ്വാസിക, ബീന ആന്റണി, മനോജ് എന്നിവര്‍ക്കെതിരെ പരാതി നല്‍കിയത്.
