latest news
കിഷ്‌കിന്ധാകാണ്ഡം നവംബറില്‍ ഒടിടിയില്‍ ?
ആസിഫ് അലി നായകനായി എത്തിയ കിഷ്‌കിന്ധാകാണ്ഡം നവംബര്‍ മാസത്തോടെ ഒടിടിയില്‍ എത്തിയേക്കുമെന്നാണ് ലഭിക്കുന്ന വിവരം. ബോക്‌സ് ഓഫീസില്‍ മികച്ച വിജയം നേടിയ ചിത്രത്തിന്റെ ഒടിടി സ്ട്രീമിംഗ് അവകാശം ഡിസ്‌നി പ്ലസ് ഹോട്ട്സ്റ്റാറാണ് സ്വന്തമാക്കിയിരിക്കുന്നത്.
ബോക്‌സോഫീസില്‍ ഹിറ്റ് ആയതിനാല്‍ തന്നെ റെക്കോര്‍ഡ് തുകയ്ക്കാണ് ചിത്രത്തിന്റെ സ്ട്രീമിംഗ് അവകാശം ഹോട്ട്സ്റ്റാര്‍ സ്വന്തമാക്കിയതെന്നും റിപ്പോര്‍ട്ടുണ്ട്. സാറ്റ്‌ലൈറ്റ് റൈറ്റ്‌സ് ഏഷ്യാനെറ്റ് ചാനലും സ്വന്തമാക്കി. ആഗോളതലത്തില്‍ ചിത്രം ഇതുവരെ 57 കോടിയ്ക്ക് മുകളില്‍ നേടിയെന്നാണ് റിപ്പോര്‍ട്ട്.
ദിന്‍ജിത്ത് അയ്യത്താന്‍ ആണ് കിഷ്‌കിന്ധാകാണ്ഡത്തിന്റെ സംവിധായകന്‍. ചിത്രത്തിന്റെ തിരക്കഥ തയ്യാറാക്കിയതും ഛായാഗ്രഹണം നിര്‍വ്വഹിച്ചതും ബാഹുല്‍ രമേഷാണ്. വിജരാഘവന്‍, അപര്‍ണ ബാലമുരളി, അശോകന്‍, ജഗദീഷ്, മേജര്‍ രവി, നിഴല്‍ഗള്‍ രവി നിഷാന്‍, ഷെബിന്‍ ബെന്‍സണ്‍ എന്നിവരും ചിത്രത്തിലുണ്ട്. നിര്‍മാണം ജോബി ജോര്‍ജ് തടത്തിലാണ്. 126 മിനിറ്റാണ് ത്രില്ലര്‍ ഴോണറിലുള്ള ചിത്രത്തിന്റെ ദൈര്‍ഘ്യം, സംഗീതം നിര്‍വഹിച്ചിരിക്കുന്നത് മുജീബ് മജീദാണ്.
