റഷ്യൻ ഫിലിം ഫെസ്റ്റിവലിൽ മത്സരിക്കാൻ മഞ്ഞുമ്മൽ ബോയ്സ്

മലയാള സിനിമയിൽ വലിയ ഹിറ്റായി മാറിയ മഞ്ഞുമ്മൽ ബോയ്സ് റഷ്യൻ ഫിലിം ഫെസ്റ്റിവലിൽ മത്സരിക്കുന്നു.

റഷ്യയിലെ കിനോബ്രാവോ ഫിലിം ഫെസ്റ്റിവലിലാണ് ചിത്രം മത്സരിക്കുക. ഈ മേളയിൽ മത്സരിക്കുന്ന ആദ്യ മലയാള ചിത്രമാണ് മഞ്ഞുമ്മൽ ബോയ്സ്. കൂടാതെ ഇത്തവണ ഇന്ത്യയെ പ്രതിനിധീകരിച്ച് ഈ ഫെസ്റ്റിവൽ മത്സരിക്കുന്ന ചിത്രവും ഇതുതന്നെയാണ്.

സെപ്റ്റംബർ 28ന് ആരംഭിച്ച മേള ഒക്ടോബർ 4 വരെയാണ് നടക്കുക. മത്സരത്തിൽ പായൽ കപാഡിയയുടെ കാൻ ഗ്രാൻഡ് പ്രിക്‌സ് ജേതാവായ ഓൾ വി ഇമാജിൻ ആസ് ലൈറ്റ് , എസ്.എസ് രാജമൗലിയുടെ ആർ.ആർ.ആർ എന്നീ ചിത്രങ്ങൾ മത്സരിക്കുന്നുണ്ട്.