latest news
സുഷിന്‍ ശ്യാമിന്റെ സംഗീതം; ബോഗയ്ന്‍വില്ലയിലെ ആദ്യ ഗാനം റിലീസ് ചെയ്തു
Published on
കുഞ്ചാക്കോ ബോബന്‍, ഫഹദ് ഫാസില്‍, ജ്യോതിര്‍മയി എന്നിവരെ കേന്ദ്ര കഥാപാത്രങ്ങളാക്കി അമല്‍ നീരദ് സംവിധാനം ചെയ്യുന്ന ബോഗയ്ന്‍വില്ല എന്ന ചിത്രത്തിലെ പുതിയ ഗാനം പുറത്തിറങ്ങി. സ്തുതി എന്ന പേരില്‍ ചിത്രത്തിന്റെ പ്രൊമോ ഗാനമാണ് അണിയറപ്രവര്‍ത്തകര്‍ പുറത്തുവിട്ടിരിക്കുന്നത്. ഗാനത്തില്‍ കുഞ്ചാക്കോ ബോബന്‍, ജ്യോതിര്‍മയി, സുഷിന്‍ ശ്യാം എന്നിവരയാണ് ഉള്ളത്.
വിനായക് ശശികുറാണ് ഗാനത്തിന്റെ വരികള്‍ എഴുതിയിരിക്കുന്നത്. സുഷിന്‍ ശ്യാമിന്റേതാണ് ഈണം. മേരി ആന്‍ അലക്‌സാണ്ടര്‍, സുഷിന്‍ ശ്യാം എന്നിവരാണ് ഗാനം ആലപിച്ചിരിക്കുന്നത്.
ഏറെ നാളുകള്‍ക്കുശേഷമാണ് ഒരു സിനിമയില്‍ ജ്യോതിമയി അഭിനയിക്കുന്നത് എന്ന പ്രത്യേകത കൂടി ഈ സിനിമയ്ക്ക് ഉണ്ട്. കൂടാതെ ചിത്രത്തില്‍ കുഞ്ചാക്കോ ബോബന്‍ ഒരു നെഗറ്റീവ് കഥാപാത്രത്തെയാണ് അവതരിപ്പിക്കുക എന്നും സ്ഥിരീകരിക്കാത്ത റിപ്പോര്‍ട്ടുകള്‍ ഉണ്ട്.
