latest news
വയലന്‍സുമായി ഞെട്ടിക്കാന്‍ ഉണ്ണിമുകുന്ദന്റെ മാര്‍ക്കോ
ഉണ്ണിമുകുന്ദന്‍ നായകനായി എത്തുന്ന മാര്‍ക്കോ തീയേറ്ററുകളില്‍ ആരാധകരെ ഞെട്ടിക്കാന്‍ സാധ്യത. ആക്ഷന്‍ ത്രില്ലറായി ഒരുക്കിയിരിക്കുന്ന മാര്‍ക്കോയില്‍ വലിയ രീതിയിലാണ് വയലന്‍സ് ഉപയോഗിച്ചിരിക്കുന്നത്. ചിത്രത്തിന്റെ സെക്കന്‍ഡ് ലുക്ക് പോസ്റ്ററും ഇപ്പോള്‍ അണിയറ പ്രവര്‍ത്തകര്‍ പുറത്ത് വിട്ടിട്ടുണ്ട്. കയ്യില്‍ അറുത്ത ഒരു തലയുമായി നില്‍ക്കുന്ന ഉണ്ണിമുകുന്ദനെയാണ് പോസ്റ്ററില്‍ കാണാന്‍ സാധിക്കുന്നത്.
ക്യൂബ്‌സ് എന്റര്‍ടൈന്‍മെന്റ്‌സ്, ഉണ്ണി മുകുന്ദന്‍ ഫിലിംസ് എന്നീ ബാനറുകളില്‍ ഷെരീഫ് മുഹമ്മദ് നിര്‍മ്മിച്ച്, ഹനീഫ് അദെനിയാണ് മാര്‍ക്കോ സംവിധാനം ചെയ്യുന്നത്. ഉണ്ണി മുകുന്ദനോടൊപ്പം സിദ്ദീഖ്, ജഗദീഷ്, ആന്‍സണ്‍ പോള്‍, കബീര്‍ ദുഹാന്‍സിംഗ്, അഭിമന്യു തിലകന്‍, യുക്തി തരേജ തുടങ്ങിയവരും പുതുമുഖ താരങ്ങളും അണിനിരക്കുന്ന ഈ ചിത്രത്തിലെ നായിക കഥാപാത്രവും മറ്റ് സുപ്രധാന വേഷങ്ങളും ബോളിവുഡ് താരങ്ങളാണ് അവതരിപ്പിക്കുന്നത്.
ചിത്രീകരണം പൂര്‍ത്തിയായ ചിത്രമിപ്പോള്‍ പോസ്റ്റ്‌പ്രൊഡക്ഷന്‍ സ്റ്റേജിലാണ്.സഹ നിര്‍മ്മാതാവ്: അബ്ദുള്‍ ഗദാഫ്, ഛായാഗ്രഹണം: ചന്ദ്രു സെല്‍വരാജ്, ചിത്രസംയോജനം: ഷമീര്‍ മുഹമ്മദ്, സൗണ്ട് ഡിസൈന്‍: സപ്ത റെക്കോര്‍ഡ്‌സ്, ഓഡിയോഗ്രഫി: രാജകൃഷ്ണന്‍ എം ആര്‍, കലാസംവിധാനം: സുനില്‍ ദാസ്, മേക്കപ്പ്: സുധി സുരേന്ദ്രന്‍, കോസ്റ്റ്യും&ഡിസൈന്‍: ധന്യാ ബാലകൃഷ്ണന്‍, പ്രൊഡക്ഷന്‍ ചീഫ് അസ്സോസ്സിയേറ്റ് ഡയറക്ടര്‍: സ്യമന്തക് പ്രദീപ്, പ്രൊഡക്ഷന്‍ കണ്‍ട്രോളര്‍: ദീപക് പരമേശ്വരന്‍, ഡിജിറ്റല്‍ മാര്‍ക്കറ്റിംഗ്: ഒബ്‌സ്‌ക്യൂറ എന്റര്‍ടൈന്‍മെന്റ്, പിആര്‍ഒ: ആതിര ദില്‍ജിത്ത്, വാഴൂര്‍ ജോസ്, പ്രമോഷന്‍ കണ്‍സള്‍ട്ടന്റ്: വിപിന്‍ 10g മീഡിയ.
