Connect with us

Screenima

latest news

ബാഡ് ബോയ്‌സ് സിനിമയ്‌ക്കെതിരെ നെഗറ്റീവ് റിവ്യൂ ചെയ്ത വ്‌ളോഗറെ ഭീഷണിപ്പെടുത്തി നിര്‍മ്മാതാവ്

ഒമര്‍ ലുലു സംവിധാനം ചെയ്ത ബാഡ് ബോയ്‌സ് സിനിമയ്‌ക്കെതിരെ മോശം റിവ്യൂ ചെയ്ത വ്‌ളോഗറെ ഫോണില്‍ വിളിച്ച് ഭീഷണിപ്പെടുത്തി ചിത്രത്തിന്റെ നിര്‍മ്മാതാവ്. അബാം മൂവീസാണ് ചിത്രത്തിന്റെ നിര്‍മ്മാണം നിര്‍വഹിച്ചിരിക്കുന്നത്. ഇതിന്റെ ഉടമസ്ഥനായ എബ്രഹാം മാത്യുവാണ് വ്‌ളോഗറെ ഫോണില്‍ വിളിച്ച് ഭീഷണിപ്പെടുത്തിയത്.

‘എന്റെ പേര് എബ്രഹാം മാത്യു എന്നാണ്. അബാം മൂവീസ് എന്ന പ്രൊഡക്ഷനില്‍ നിന്നാണ്. താന്‍ ഇപ്പോള്‍ ഒരു വീഡിയോ ഇട്ടില്ലേ. ഒരു മണിക്കൂറിനകം ആ വീഡിയോ ഡിലീറ്റ് ചെയ്തില്ലെങ്കില്‍ നിന്റെ വീട്ടില്‍ ഞാന്‍ ആളുമായി എത്തും. നിന്നെ പൊലീസിനെക്കൊണ്ട് പിടിപ്പിക്കും. നിന്നെ തൂക്കിയെടുത്തോണ്ട് പോരും. നിനക്ക് അറിയില്ല ഞാന്‍ ആരാണെന്ന്. ഇട്ട വീഡിയോ ഒരു മണിക്കൂറിനകം ഡിലീറ്റ് ചെയ്തില്ലെങ്കില്‍ നാളെ രാവിലെ നീ വിവരമറിയും. ഇത് നിനക്ക് തരുന്ന താക്കീതാണ്.” എന്നാണ് എബ്രഹാം മാത്യു യൂട്യൂബറോട് പറയുന്നത്.

പണം വാങ്ങിയാണ് വ്‌ളോഗര്‍ റിവ്യൂ ചെയ്തത് എന്നും നിര്‍മ്മാതാവ് ആരോപിക്കുന്നത്. എന്നാല്‍ താന്‍ ആരില്‍നിന്നും പണം വാങ്ങിയിട്ടില്ല എന്നാണ് വ്‌ളോഗര്‍ വ്യക്തമാക്കുന്നത്. അബ്രഹാമിന്റെ ഏതാണ്ട് 8 മിനിറ്റോളം നീണ്ട ഫോണ്‍കോളിന്റെ റെക്കോര്‍ഡ് വ്‌ളോഗര്‍ തന്നെയാണ് പുറത്തുവിട്ടിരിക്കുന്നത്. കൂടാതെ താന്‍ വീഡിയോ ഡിലീറ്റ് ചെയ്യാന്‍ പോകുന്നതായും യുവാവ് പറഞ്ഞു.

Continue Reading
Click to comment

Leave a Reply

Your email address will not be published. Required fields are marked *

To Top