latest news
അമ്മയില്‍ അംഗമാകണമെന്ന് തോന്നിയിട്ടില്ല: ഐശ്വര്യ ലക്ഷ്മി
Published on
ആരാധകര്‍ക്ക് ഏറെ പ്രിയങ്കരിയായ നടിയാണ് ഐശ്വര്യ ലക്ഷ്മി. ഞണ്ടുകളുടെ നാട്ടില്‍ ഒരിടവേള എന്ന നിവിന്‍ പോളി ചിത്രത്തിലൂടെയാണ് ഐശ്വര്യ സിനിമ ലോകത്തേക്ക് എത്തുന്നത്. മായനദിയിലെ അപ്പുവെന്ന കഥാപാത്രം മലയാളികള്‍ക്ക് ഇന്നും പ്രിയപ്പെട്ട നായിക കഥാപാത്രമാണ്.
സമൂഹ മാധ്യമങ്ങളിലും സജീവ സാനിധ്യമാണ് താരം. തന്റെ സിനിമ വിശേഷങ്ങളെല്ലാം ഐശ്വര്യ പങ്കുവെക്കുന്നത് ഇന്‍സ്റ്റാഗ്രാമിലൂടെയാണ് പങ്കുവെക്കാറുള്ളത്. ഇതോടൊപ്പം ഇടയ്ക്കിടയ്ക്ക് കിടിലന്‍ ഫൊട്ടോഷൂട്ടുകളും താരം പങ്കുവെക്കാറുണ്ട്.
ഇപ്പോള്‍ അമ്മ സംഘടനയില്‍ അംഗമാകാത്തതിനെക്കുറിച്ച് പറയുകയാണ് താരം. അമ്മ സംഘടനയില്‍ ഇതുവരെ തനിക്ക് അംഗമാകണമെന്ന് തോന്നിയിട്ടില്ലെന്നാണ് താരം പറയുന്നത്. ഐ ഡിഡ് നോട്ട് ഫീല്‍ ദി നീഡ് ടു ബി എ മെമ്പര്‍ (അംഗമാകണം എന്ന് തോന്നിയില്ല) എന്നാണ് ഇതേക്കുറിച്ചുള്ള ചോദ്യത്തിന് താരം നല്‍കിയ മറുപടി.
