latest news
‘അമ്മ’യെ കുറിച്ച് ആരെങ്കിലും കുറ്റം പറഞ്ഞാല്‍ പച്ച തെറിപറയും; ധര്‍മ്മജന്‍ ബോള്‍ഗാട്ടി
പ്രേക്ഷകര്‍ക്ക് ഏറെ പ്രിയങ്കരനായ നടനാണ് ധര്‍മ്മജന്‍ ബോള്‍ഗാട്ടി. പ്രേക്ഷകരെ കുടുകുടെ ചിരിപ്പിച്ച ധര്‍മ്മജന്റെ കഥാപാത്രങ്ങള്‍ നിരവധിയാണ്. പിഷാരടിക്കൊപ്പം സ്റ്റേജിലും സിനിമാല എന്ന ഏഷ്യാനെറ്റിലെ പരിപാടിയും ഗംഭീര പ്രകടനം തന്നെയാണ് കാഴ്ച വെച്ചത്.
2010ല്‍ പുറത്തിറങ്ങിയ പാപ്പി അപ്പച്ച എന്ന ചിത്രത്തിലാണ് ആദ്യമായി അഭിനയിച്ചത്. പിന്നീട് ഓര്‍ഡിനറി, മൈ ബോസ്, സൗണ്ട് തോമ, അരികില്‍ ഒരാള്‍, പ്രേതം തുടങ്ങി നിരവധി ചിത്രങ്ങളില്‍ അഭിനിയിച്ചു.
നടന്‍ സിദ്ദിഖ് രാജിവെച്ചതിന് പിന്നാലെ ഇതില്‍ അഭിപ്രായം ചോദിച്ച മാധ്യമപ്രവര്‍ത്തകയോട് കയര്‍ത്ത് ധര്‍മജന്‍ കയര്‍ത്തത് വലിയ വിവാദമായിട്ടുണ്ട്. അമ്മ സംഘടനയെ കുറിച്ച് ആരെങ്കിലും കുറ്റം പറഞ്ഞാല്‍ പച്ച തെറിപറയുമെന്നും ധര്‍മജന്‍ ഇപ്പോള്‍ പറയുന്നു. അമ്മ ഇപ്പൊ ശുദ്ധികലശം നടത്തണോ? അങ്ങനെ ചെയ്താല്‍ കേരളം നന്നാവുമോ?. നിങ്ങള്‍ നല്ലവരാണോ എന്ന് ആദ്യം തെളിയിക്ക്. സിദ്ദിഖ് അദ്ദേഹത്തിന്റെ മാന്യതകൊണ്ടാണ് രാജിവെച്ചത് അല്ലാതെ ശുദ്ധികലശം നടത്താന്‍ വേണ്ടിയല്ല എന്നുമാണ് ധര്‍മ്മജന്‍ പറയുന്നത്.
