latest news
നിന്നെയൊക്കെ എങ്ങനെ പീഡിപ്പിക്കാതിരിക്കും എന്ന് കമന്റ്; മറുപടി നല്‍കി അവന്തിക
സീരിയലിലൂടെ മലയാളികള്‍ക്ക് പ്രിയങ്കരിയായ നടിയാണ് അവന്തിക മോഹന്‍. മലയാളത്തിലെ സൂപ്പര്‍ ഹിറ്റ് പരമ്പരകളിലെ നായികയായിരുന്നു താരം. ഇന്‍സ്റ്റഗ്രാമിലും ഏറെ സജീവമാണ് താരം. റീല്‍സും, ചിത്രങ്ങളും എല്ലാം വൈറലാകാറുണ്ട്. നിരവധിപ്പേരാണ് താരത്തെ സോഷ്യല്‍ മീഡിയയില്‍ പിന്തുടരുന്നത്.
ഇപ്പോള്‍ സ്ത്രീസ്വാതന്ത്ര്യത്തെക്കുറിച്ച് വീഡിയോ പങ്കുവെച്ചപ്പോള്‍ തനിക്ക് ലഭിച്ച മോശം കമന്റിനെക്കുറിച്ച് പറയുകയാണ് താരം. നിന്നെയൊക്കെ എങ്ങനെ പീഡിപ്പിക്കാതിരിക്കും! എന്നായിരുന്നു അവന്തികയ്ക്ക് ലഭിച്ച മറുപടി. അനുരാജ് രാധാകൃഷ്ണന്‍ എന്ന യുവാവാണ് ഈ മെസേജ് അയച്ചിരിക്കുന്നത്. ഇയാളുടെ പ്രൊഫൈല്‍ അടക്കമായിരുന്നു അവന്തികയുടെ പ്രതികരണം.
ഈ കമന്റ് നോക്കൂ. ഈ മനുഷ്യന്‍ അപകടകാരിയാണ്. നിങ്ങളെ പോലൊരാള്‍ നമ്മുടെ സമൂഹത്തില്‍ ജീവിക്കുന്നുവെന്നതു തന്നെ നാണക്കേടാണ്. നിന്നെ വലിച്ചിഴച്ച് തൊട്ടടുത്തുള്ള പൊലീസ് സ്റ്റേഷനിലേക്ക് കൊണ്ടു പോകണമെന്നുണ്ട്. തീര്‍ച്ചയായും ഞാന്‍ അത് ചെയ്യും. നീയൊരു നാണക്കേടാണ്.” എന്നായിരുന്നു അവന്തിക പറഞ്ഞത്.
